THE HOLIDAY

အင်္ဂလန်နိုင်ငံ နှင်းတွေဖုံးလွှမ်းနေတဲ တောင်ကုန်းလေးပေါ်က ချစ်စရာကောင်းတဲ့ အိမ်လေးတစ်အိမ်မှာ Iris Simpkins ဆိုတဲ့ အမျိုးသမီးတစ်ယောက်နေထိုင်ပါတယ်။ သူမဟာ သတင်းစာမှာ မင်္ဂလာဆောင်တဲ့သတင်း အမျိုးအစားကို ရေးသားရတဲ့သူပါ။သူမမှာ သူမသိပ်ချစ်ရတဲ့ သူမရဲ့လုပ်ဖော်ကိုင်ဖက် ချစ်သူတစ်ယောက်ရှိပါတယ်။Iris ရဲ့ရည်းစာဟာ Iris သူ့အပေါ်မှာထားတဲ့ အချစ်ကို အခွင့်ကောင်းယူပြီး သူ့ကို လိုရင်ခေါ်သုံးပြီး တကယ့်တမ်းကျတော့ တစ်ခြားသူ့လုပ်ဖော်ကိုင်ဖက်တစ်ယောက်နဲ့ စေ့စပ် သွားခဲ့ပါတယ်။ အဲဒီအတွက် Iris ကအရမ်းကိုခံစားခဲ့ရပါတယ်။ဒါပေမယ့် သူ့ရဲ့ရည်းစားကိုတော့ မေ့ပျောက်လို့ မရနိုင်ဖြစ်ခဲ့ပါတယ်။ဒါကြောင့် သူဟာစိတ်ပြေလက်ပျောက် ခရီးထွက်ချင်နေခဲ့မိပါတယ်။

အမေရိကန်နိုင်ငံ Los Angeles မှာ တကယ့်ကိုအဆင့်အတန်းမြင့်မားတဲ့ တိုက်တစ်လုံးမှာကျတော့ Amenda လို့ခေါ်တဲ့ အမျိုးသမီးတစ်ယောက်နေထိုင်ပါတယ်။ သူမဟာလည်း သူရဲ့ ရည်းစာကို သူမအပေါ် လိမ်ညာလို့ လမ်းခွဲထားတဲ့သူပါ။သူမဟာလည်းခရီးတစ်ခု ထွက်ချင်တာနဲ့ အင်တာနက်ပေါ်မှာ လိုက်ရှာရင်းနဲ့ အိမ်ကို နှစ်ပတ်တာ လည်ပြီးနေဖို့ကြော်ငြာထားတဲ့ Iris ရဲ့ကြော်ငြာကိုတွြေ့ပီး

စိတ်ဝင်စားပြီး အိမ်လည်ဖို့ဆုံးဖြတ်ပြီး Iris ဆီကို အီးမေးလ်နဲ့ဆက်သွယ်ပြီး အိမ်လဲလှယ်လိုက် ကြပါတော့တယ်။

အင်္ဂလန်ရောက်သွားတဲ့ Amenda က Iris ရဲ့ အစ်ကိုတစ်ဝမ်းကွဲ မုဆိုးဖိုနဲ့တွေ့ပြီး အချစ်စစ်ကိုတွေ့ ခဲ့သလို အမေရိကားရောက်သွားတဲ့ Iris ကလည်း Amenda ရဲ့မိတ်ဆွေတစ် ယောက်နဲ့တွေ့တော့မှ အချစ်စစ်ကိုတွေ့ခဲ့ တာကို ရိုက်ပြသွားတာပါ။တော်တော်လေး ရိုမန်တစ်ဖြစ်ပြီး ကြည့်လို့ကောင်းပါတယ်။

Iris အဖြစ် Titanic မင်းသမီးချောလေး Kate Winslet ကသရုပ်ဆောင် ထားပြီး Amenda အဖြစ် Cameron Diaz ကသရုပ်ဆောင်ထားပါတယ်။ ကိုယ်အဲဒီမှာ အကြိုက်ဆုံးကတော့ Iris ရဲ့အစ်ကို တစ်ဝမ်းကွဲအဖြစ်သရုပ်ဆောင်ထားတဲ့ Jude Law ပါဘဲ။ နောက် Jack Black ကတော့ Amenda ရဲ့ မိတ်ဆွေအဖြစ်သရုပ်ဆောင်ထားပါတယ်။

ကြည့်ချင်ရင်တော့ http://www.ppstream.com ကိုသွားပြီး PPStream Software ကို download ပါ။

ပြီးတာနဲ့ High Resolution ထဲမှာ ဆိုကြည့်လို့ရပါပြီ။ PPStream အကြောင်း အသေးစိတ်သိချင်ရင် myatmhanlay@gmail.com ကို invite လုပ်ပြီး မေးမြန်းနိုင်ပါတယ်။(ကြော်ငြာဝင်ခြင်းဖြစ်ပါတယ် ဟီး၂)

ပုံကို http://chameleon-interiors.blogspot.com က ယူထားပါတယ်ရှင်။

Read More ->>

အကြီးဆုံးကြယ်များ ကြွေခဲ့တဲ့နေ့

လွန်ခဲ့သော နှစ်ပေါင်းခြောက်ဆယ့်နှစ်နှစ် မနက် ၁၀း၄၅ အချိန်မှာ မြန်မာပြည်သူ့လူထုအား လုံးအတွက် ဘယ်လိုမှပြန်လည်အစားထိုးလို့ မရတော့တဲ့ နိုင်ငံအာဇာနည်များ နိုင်ငံကြယ်ပွင့်
၉ လုံးတစ်ပြိုင်နက်ကြွေကျခဲ့ရပါတယ်။ အရမ်းဝမ်းနည်းစရာ ကောင်းတဲ့ဖြစ်ရပ်တစ်ခုပါ။ ကိုယ့်နိုင်ငံ လူမျိုးတစ်မျိုးလုံးကို နယ်ချဲ့ဗြိတိသျှတွေလက်ထဲက လွတ်အောင်ရုန်းပေးခဲ့တဲ့ သူတွေကိုမှ ကိုယ့်လူမျိုးထဲကပဲ ပြန်သတ်လိုက်တာ။ဘယ်လိုစိတ်ဓါတ်တွေလည်း။မမေ့ပါဘူး။ တစ်သက်လုံးဘယ်တော့မှ မမေ့ပါဘူး။ ဘယ်လိုဘဲမေ့ပျောက်အောင် လုပ်လုပ် အရိုးထဲထိစွဲနေမှာပါ။

အောက်မှာ အာဇာနည် တစ်ယောက်ချင်းစီရဲ့ ကိုယ်ရေးအကျဉ်းကို ရှာဖွေရသလောက် အလွမ်းပြေတင်ထားပါတယ်။

-ဗိုလ်ချုပ်အောင်ဆန်း
ရှေ့နေ ဦးဖာ နှင့် ဒေါ်စု တို့ က ၁၉၁၅ ခုနှစ်ဖေဖေါ်ဝါရီလ ၁၃ ရက်နေ့မှာဖွားမြင်ခဲ့ကြပါတယ်။
လွတ်လပ်ရေးကို နေမ၀င်အင်ပါယာကနေ ရအောင်ယူပေးခဲ့တဲ့သူပါ။ မြန်မာပြည်အတွက် ဒီမိုကရေစီ မျှော်လင့်ချက် သန်းစေအောင် သမီးတစ်ယောက်မွေးထုတ်ပေးခဲ့ပါတယ်။
မြန်မာတွေအတွက်အသက်ပေးခဲ့တဲ့ ဗိုလ်ချုပ် ကောင်းရာသုဂတိလားပါစေ.။

- ဦးဘ၀င်း
ဗိုလ်ချုပ်အောင်ဆန်းရဲ့အစ်ကို အကြီးဆုံးဖြစ်ပြီး ၁၀ ရက် ဇွန် လ ၁၉၀၁ ခုနှစ်မှာ ရှေ့နေ ဦးဖာ နှင့် ဒေါ်စု တို့ က ဖွားမြင်ခဲ့ကြပါတယ်။ ငယ်နာမည်မှာ မောင်ဆန်းတင် ဖြစ်ပါတယ်။သူသည်ဆရာကြီးဦးဝကြီးကျောင်းတွင် သတ္တမတန်းအထိ ပညာဆည်းပူးခဲ့ပါတယ်။ဘီအက်စ်စီ ဘွဲ့ကိုရန်ကုန်တက္ကသိုလ်ကနေရရှိခဲ့ပါတယ်။သူသည် တောင်တွင်းကြီး အမျိုးသားကျောင်းတွင် အထက်တန်းပြဆရာလုပ်နေစဉ်မှာဘဲ ၁၉၃၆ တွင် မြေပိုင်ရှင် ဦးအံ နှင့် ဒေါ်ရွှေမေတို့ဧ။်သမီးဖြစ်သူ ဒေါ်ခင်စောနှင့်အကြောင်းပါခဲ့ပါသည်။ဖြူးမြို့နယ် အမျိုးသားကျောင်းတွင် ၁၉၄၁ နှင့် ၁၉၄၂ တွင်ကျောင်းအုပ်ကြီးအဖြစ်တာဝန်ထမ်းဆောင်ခဲ့ပါတယ်။ ကုန်သွယ်ရေးဝန်ကြီးအဖြစ်တာဝန် ထမ်းဆောင်ရင်း မြန်မာတွေအတွက်အသက်ပေးခဲ့တဲ့ ဦးဘ၀င်း ကောင်းရာသုဂတိလားပါစေ.။


-မန်းဘခိုင်
ကရင်အမျိုးသားကိုယ်စားလှယ် ပါ။ တိုင်းရင်းသားညီညွတ်မှုကို အသက်နဲ့ရင်းကာပြသခဲ့သူဖြစ်ပါတယ်။ကောင်းရာသုဂတိလားပါစေ။

-ဒီးဒုတ်ဦးဘချို
အာဇာနည်တစ်ဦးပါဘဲ။သူတင်မဟုတ် သူဇနီးက ဒေါ်လှမေ ကလည်းဗမာ့ အမျိုးသမီးလွတ်လပ်ရေး အဖွဲ့အစည်းကို ၁၉၃၆ ခုနှစ်မှာတည်ထောင်ခဲ့ပါတယ်။ ဦးဘချိုကောင်းရာသုဂတိ လားပါစေ။

-ဦးရာဇတ် (ခ) Abdul Razak
၁၈၉၈ ဇန်န၀ါရီလ ၂၀ ရက်မှာ မိထ္ထိလာ မှာဖွားမြင်ခဲ့ပါတယ်။ မန္တလေး Wesleyan ကျောင်းမှာပညာဆည်းပူးခဲ့ပြီး ရန်ကုန်တက္ကသိုလ်မှ အင်္ဂလိပ်စာ ဘွဲ့ရရှိခဲ့ပါတယ်။ ၁၉၂၀ တွင် ဗြိတိသျှကျွန်ပညာရေးစနစ်ကို တွန်းလှန်တဲ့ ကျောင်းသားလှုပ်ရှားမှုမှာ ခေါင်းဆောင်တစ်ယောက်အဖြစ်ပါဝင်လှုပ်ရှားခဲ့ပါတယ်။၁၉၂၁ မှာ မန္တလေးအမျိုးသားကျောင်း တွင်ကျောင်းအုပ်အဖြစ် တာဝန်ထမ်းဆောင်ခဲ့ပါတယ်။သူသည် ပညာရေးဝန်ကြီးအဖြစ်တာဝန် ထမ်းဆောင်ရင်းနဲ့ အသက်ပေးခဲ့ရပါတယ်။ ဦးရာဇတ်ိကောင်းရာသုဂတိ လားပါစေ။

-မိုင်ပွန်စော်ဘွားစ၀်စံထွန်း ကောင်းရာသုဂတိလားပါစေ။

-သခင်မြ ကောင်းရာသုဂတိ လားပါစေ။

-ဦးအုန်းမောင် ကောင်းရာသုဂတိ လားပါစေ။

-ရဲဘော်ကိုထွေး (ဦးရာဇတ်ရဲ့ သက်တော်စောင့်) ကောင်းရာသုဂတိ လားပါစေ။

အာဇာနည်ကြီးမျာနှင့်တကွ ကျဆုံးလေပြီးသော အာဇာနည်များကိုဦးညွတ်လျှက်.





အသေးစိတ် သိချင်ရင်တော့ မမသီရိ ကို သွားကြည့်လို့ရပါတယ်။
အပေါ်ဆုံးက ပုံကို ကြယ်ကလေး ကယူထားတာပါ။
အောက်ဆုံးက ပုံကို ဒီက ယူထားတာပါ.။

Read More ->>

စိတ်ကောက်

ကိုယ့်ရဲ့ဖုန်းထဲမှာ ရှိပေမယ့် နားမထောင်ဖြစ်တဲ့သီချင်းလေးတစ်ပုဒ်ကို ဒီနေ့ စီးတီးဟောလ်မှာ ထမင်းစားရင်း ထမင်းဆိုင်ကဖွင့်လို့ နားတောင်ဖြစ်ခဲ့တယ်။သီချင်းက အနဂ္ဂ နဲ့ ဘာဘူ ဆိုထားတဲ့ ပြိုင်ဘက် ဆိုတဲ့အခွေထဲကပါ။ သီချင်းနာမည်က စိတ်ကောက် တဲ့။

ကိုယ်ကတနင်္ဂနွေသမီးလေ။အဲဒီတော့ အဲဒီနေ့ဖွားတွေရဲ့ထုံးစံအတိုင်း အရမ်းစိတ်ကောက် တတ်တဲ့သူတစ်ယောက်ပေါ့။ တနင်္ဂနွေသားသမီး တွေဟာ
စိတ်ကောက်ရင်ကောက်မကောက် ရင်ဆံပင်ကောက်တယ်တဲ့။ ကိုယ်ကတော့ စိတ်လည်းကောက်တတ်တယ်။ ဆံပင် ကလည်းကောက်လိုက်သမှ လမ်ကွေးနေတာ။

အရင်တုန်းကတော့ ကိုယ့်ဖေဖေရယ် ကိုယ့်မေမေရယ် ကိုယ့်မကြီးရယ်ကို စိတ်ကောက်နေကျလေ။ ကိုယ်ကမိသားစု ထဲမှာ အငယ်ဆုံးလေ။ မေမေတို့ အပြင်သွားလို့ အကြီးတွေအတွက်တစ်ခုခုပါလာပြီး ကိုယ့်အတွက်ပါမလာလို့ကတော့ သောင်းကျန်းပြီဘဲ။ ပြီးရင်နှစ်ရက်လောက်ကစကားမပြောဘူး။အဲဒီတော့သူတို့ကနောက်ဆိုရင် အကြီးတွေအ
တွက်မပါရင်သာနေမယ်။ ကိုယ့်အတွက်ကတော့ တစ်ခုခုဝယ်လာနေကျလေ။

ကိုယ်တို့ရဲ့ရန်ကင်းတိုက်ခန်းလေးမှာကထပ်ခိုးလေးပါတယ်။အဲဒီမှာလူတစ်ယောက်နေလို့ရ တယ်။ နောက်ဖေးလှေကားကနေ တက်ရတာ။ မျက်မှန်လေးတို့စိတ်ကောက်ပြီဆိုတာနဲ့ အဲဒီ ထပ်ခိုးလေးမှာဘဲ ပေတေပြီးနေတော့တာ။ထမင်းလည်းဆင်းမစားဘူး။ အောက်ကိုမဆင်းဘူး (သူတို့ အပြင်သွားမှ တိုးတိုးလေးဆင်းစားတာ) ။ဖေဖေနဲ့မေမေ တို့ ပြန်လာချော့မှ အောက်ကို ဆင်းတာ။ အခုတော့လည်း ဖေဖေနဲ့မေမေတို့ကို စိတ်မကောက်ရတာ ကြာပေါ့။

ဒီရောက်ပြီး အိမ်ထောင်မကျခင်တုန်းကတော့ မကြီးကိုစိတ်ကောက်ရင် မကြီးကချော့သေးတယ်။ ခုတော့သူကမချော့တော့ဘူ။ ဟင့်ဟင့်။ သူမချော့တော့လည်း သူ့ကိုစိတ်မကောက် ဖြစ်တော့ပါဘူး။ သူမချော့ဘဲကောက်နေရင် ကိုယ်သာလျှင်အရူး ဖြစ်တော့မယ်လေ။ ဒါကြောင့်မကောက်တော့ဘူး။

နောက်ဆုံး target ကတော့ ကိုယ့်ဘ၀ရဲ့ လက်တွဲဖော်လေးကိုဘဲ အတိုးချပြီး စိတ်ကောက်ရတော့တာပေါ့နော်။ ဘယ်သူ့ကိုမှ စိတ်ကောက်လို့မရတိုင်း သူကိုဘဲ စိတ်ကောက်နေတာ။ သူလည်း ကိုယ်စိတ်ကောက်တိုင်းမှာ အတတ်နိုင်ဆုံးကြိုးစားပြီးချော့ပါတယ်။ကိုယ့်အပေါ်မှာ သူအရမ်းအလိုလိုက်မှန်း သိတော့ ဆိုးချင်နေမိတယ်။သူ့ကြောင့် ကိုယ်တစ်ခါမှ စိတ်မဆင်းရဲခဲ့ရဘူး။ သူကအနေအထိုင်အေးဆေးတဲ့လူတစ်ယောက်ပါ။ ကိုယ်ဘယ်သွားသွား ဘေးကနေ ကိုယ့်ကို အဖော်အဖြစ် မငြိုမငြင်လိုက်ပေးတယ်။ တစ်ချို့နေရာတွေဆို သူသွားချင်စိတ်မရှိပေမယ့် ကိုယ် မျက်နှာညိုမှာစိုးလို့ လိုက်ပေးခဲ့တယ်။ သူကအလုပ်ကပြန်လာတာစောလေ့ရှိတယ်။ ကိုယ်ကသူ့ထက်နောက်ကျတယ်။ ကိုယ်ကအလုပ်ကပြန်လာပြီးရင်ေ၇မိုးချိုးပြီးတာနဲ့ ကော်ဖီ လေးတစ်ခွက်လောက်သောက်လိုက်ရမှ နေသာထိုင်သာရှိသွားတယ်။ အဲဒီအချိန်ဆိုရင် ကိုယ့်အတွက်ကော်ဖီက အဆင်သင့်။ ဒါတောင်မှ ကော်ဖီဖျော်တာ မကောင်းရင်းကိုယ်က စိတ်ကောက်သေးတာ။ သူက ပါးစပ်ပြောနဲ့ချစ်တာမဟုတ်ဘူး။ ကိုယ့်ကိုသူသိပ်ချစ်ပါတယ်။ သူချစ်တာကို ဘယ်တော့မှလည်း ပါးစပ်ကထုတ်ပြောတတ်တဲ့ လူမျိုးလည်းမဟုတ်ပါဘူး။ မနိုင်းနိုင်းဘာသာ ပြန်ထားတဲ့ စာပိုဒ်လေးတစ်ခု သတိရမိပါတယ်.။

နင့်ကို ငါပြောတယ် "နင်နဲ့ရခဲ့လို့ ငါဝမ်းသာတယ်။ နင်ဟာ ငါရဲ့
ခင်ပွန်းကောင်းတစ်ဦးပါ"

"အင်း.. ငါလည်း ဝမ်းသာတယ်။ နင်က ငါရဲ့ဇနီးကောင်းတစ်ဦးပါ" ဆိုတဲ့
ဂရုစိုက်သံကို နင့်ဆီက ကြားချင်ခဲ့ပေမယ့်

"ယူတောင်ယူပြီးပြီပဲ မကောင်းတော့ ဘယ်လိုလုပ်မလဲ" လို့ နင်ပြောခဲ့တယ်။
နင်ငါ့ကို မချစ်ဘူး၊ ဂရုမစိုက်ဘူးဆိုပြီး ငါစိတ်တိုခဲ့မိတယ်။

နောက်တော့ ညညမအိပ်ခင် တစ်ရူးနဲ့ ၄ဝလက်မရှိတဲ့ မင်္ဂလာဓာတ်ပုံကို
နင်ပွတ်တိုက်တတ်တာကို ငါသတိထားခဲ့မိတယ်။ ဓာတ်ပုံကိုကြည့်ပြီး
နင်ပြုံးနေခဲ့တယ်။ တကယ်တော့ နင့်ငါ့ကို ဂရုစိုက်တယ်၊ ချစ်တယ်၊ ဒါက
တစ်ခြားလူတွေနဲ့မတူတဲ့ နင်ရဲ့ချစ်နည်းပေါ့။

ကိုယ်တို့နှစ်ယောက်အတွက်ဂုဏ်ပကာသနတွေ မလိုပါဘူး။ပိုက်ဆံတွေ မလိုပါဘူး။ ကိုယ့်အတွက် သူဟာအရေးကြီးဆုံး လူဖြစ်သလို သူ့အတွက်လည်း ကိုယ်ကအရေးကြီးဆုံး လူပါဘဲရှင့်။

ကိုယ်နားထောင်ဖြစ်တဲ့သီချင်းလေးကို အောက်မှာနားထောင်သွားလို့ရပါတယ်ရှင်။

Read More ->>

စင်ကာပူမှာလက်ထပ်ချင်တယ်ဆိုရင်…

ကိုယ့်သူငယ်ချင်းတွေက ကိုယ့်ကိုလာလာမေးကြတယ်။စင်ကာပူမှာလက်ထပ်ရင်ဘာတွေလိုမ
လဲ၊ဘယ်လိုလုပ်ရလဲစသည်ဖြင့်ပေါ့။အဲဒါကြောင့် ကိုယ့်သူငယ်ချင်းတွေရော ကိုယ့်ဘလော့ခ်လာဖတ်တဲ့သူတွေလည်း(စင်ကာပူက အပျိုလေးတွေလူပျိုလေးတွေ) လက်ထပ်မယ့်သူတွေ သိထားသင့်တယ် ထင်လို့ဒီပို့စ်ကိုရေးရခြင်း ဖြစ်ပါတယ်။

ပထမဆုံးလက်ထပ်တော့မယ်လို့ ဆုံးဖြတ်ပြီးရင် ဘယ်မှာလက်မှတ်ထိုးမလဲ ဘယ်နေ့ ဘယ်အချိန် လက်မှတ်ထိုးမလဲဆိုတာ နှစ်ဦးသားအရင်ဆုံးတိုင်ပင်ဆွေးနွေးဖို့ လိုပါတယ်။ ဘယ်မှာဆိုတဲ့နေရာမှာ နှစ်မျိုးရှိပါတယ်။ Registry Of Marriage (ROM) မှာ နေရာယူပြီး ရှေ့နေနဲ့ လက်မှတ်ထိုးမှာလား၊ ဒါမှမဟုတ် ROM က License ရှိတဲ့ ရှေ့နေကိုချိန်းပြီးတော့ အပြင်တစ်နေရာရာမှာလက်မှတ်ထိုးမှာလား။ ပထမနည်းက ကိုယ်ဖောင်တင်တဲ့အချိန်နဲ့ သုံးလလောက် ကွာပြီးမှရက်ရပါတယ်။ ROM ကနေရာမရလို့ပါ။ ဒုတိယနည်းကတော့ သုံးပတ်လောက်ပဲ အချိန်ယူရပါတယ်။ ကိုယ်လက်မှတ်ထိုးမဲ့ရက်ကို သုံးပတ်ခွာပြီး ရှေ့နေကို ချိန်းရပါတယ်။

ပီအာ တစ်ယောက်အနေနဲ့ Work Permit ကိုင်ထားသူတစ်ယောက်နဲ့ လက်ထပ်မယ်ဆိုရင် MOM က Work Permit ကိုင်ထားသူအတွက်လက်ထပ်ခွင့် Approval လိုပါတယ်။ S PASS နဲ့ Employment Pass ကိုင်ထားသူတွေ အတွက်တော့မလိုပါဘူး။အဲဒါတွေလုပ်ပြီးတာနဲ့ ရှေ့နေကို ဆက်သွယ်ပါ။ အရမ်းသဘောကောင်းတဲ့ ရှေ့နေတစ်ယောက်ရှိပါတယ်။ DR.PHUA TAN TEE လို့ခေါ်ပါတယ်။သူရဲ့ မေးလ်က PHUA_Tan_Tee@nea.gov.sg ပါ။ရွှေမြန်မာတွေအားလုံး သူနဲ့ ဘဲဆက်သွယ်တာများပါတယ်။ အကယ်ရ်ျများ အဲဒီရှေ့နေနဲ့မလုပ်ချင်ဘူးဆိုရင်လည်း http://app.rom.gov.sg/internet/reg_info/rom_interpreters.asp မှာ ကိုယ့်စိတ်ကြိုက်ရွေးယူနိုင်ပါတယ်။ အဲဒီလိုရွေးပြီးရင်တော့ အဲဒီရှေ့နေဆီကို မေးလ်ပို့ရပါတယ်။ မေးလ်ထဲမှာ သတို့သားနာမည် နဲ့ IC နံပါတ်( S Pass, E P,W P က Passport No) ၊ သတို့သမီးနာမည် IC နံပါတ်( S Pass,E.P,W.P က Passport No) ပြီးတော့
ကိုယ့်လုပ်မယ့်နေရာ နဲ့ အချိန်ကို သေချာရေးပြီး ရှေ့နေဆီကို ကိုယ့်ရဲ့ လက်မှတ်ထိုးပွဲအတွက် invite လုပ်ချင်လို့ပါဆိုပြီး မေးလ်ပို့ရပါတယ်။ကိုယ့်မေးလ်ပို့တဲ့နေ့နဲ့ ကိုယ်လက်မှတ်ထိုးမဲ့နေ့က အနည်းဆုံးသုံးပတ်ကွာရမယ်ဆိုတာ သတိပြုဖို့လိုပါတယ်။

အဲဒီလိုမေးလ်ပို့ပြီးတာနဲ့ ရှေ့နေဆီကပြန်စာကိုစောင့်ရပါတယ်။ သူဆီကပြန်စာထဲမှာမှ သူရဲ့ License နံပါတ်ပါမှာကိုး။ အများကြီးမစောင့်ရပါဘူး။အလွန်ဆုံးသုံးရက်လောက်ပါဘဲ။ သူ့ဆီကပြန်စာရပြီးတာနဲ့ ROM Web Site မှာ ကိုယ်တို့လက်မှတ်ထိုးမှာကို E Filing လုပ်ရပါတယ်။ E filing လုပ်တဲ့အခါမှာ Filing လုပ်တဲ့ fees ကို Credit Card နဲ့မှသာပေးချေ လို့ရမှာဖြစ်တဲ့ အတွက် ကိုယ့်ဆီမှာ ဒါမှမဟုတ်ကိုယ့် သူငယ်ချင်းတစ်ယောက်ယောက်ဆီ မှာ
ဖြစ်ဖြစ် Credit Card ရှိဖို့လိုပါတယ်။ Filing လုပ်တဲ့ Fees ကတော့ ဒီမှာပါ။

Marriage Fee *---------------- At least one S/Pink or S/Blue NRIC Holder ---------------- Both Foreigner
(a) Weekday ------------------------------------- --------------S$26.00 ------------------------- -------------S$128.00
(b) Sat, Sun and Public Holidays------------------------------- S$26.00 ------------------------- ---------S$198.00
(c) Popular dates ----------------------------------------------- S$26.00 --------------------------- ---------S$298.00


အဲဒါတွေပြည့်စုံပြီဆိုတာနဲ့ http://app.rom.gov.sg/internet/index.asp ကိုဝင်လိုက်ပါ။
ပြီးရင် အပေါ်ဆုံးက Services ဆိုတဲ့ menu ထဲမှာ File Notice of Marriage ဆိုတာကို click လုပ်လိုက်ပါ။ Step 1 ကနေ Step 5 အထိရှိပါတယ်။ Step1 မှာပါတဲ့အချက်အလက်ကို ဖတ်ပြီး အောက်ဆုံးမှာ Agree ဆိုတဲ့ နေရာကို click လုပ်ပါ။



အထက်ပါ Page ကိုရောက်သွားပါလိမ့်မယ်။



ကိုယ်နဲ့လက်ထပ်မယ့်သူ နှစ်ယောက်ဟာ ဆွေမျိုးသားချင်းတော်စပ်လို့မရပါဘူး။ ပြီးတော့ အသက် ၁၈ နှစ်ထက် ကြီးရပါ့မယ်။ ပြီးတော့ တခြားဥပဒေနဲ့ အကျုံးဝင်တဲ့ လက်ထပ်မှုမျိုးမရှိရပါဘူး ။ အဲဒီလိုမျိုးဖြစ်ခဲ့ရင် စင်ကာပူဥပဒေအရ လက်ထပ်ခွင့်မပြုပါဘူး။ ကွာရှင်းထားတယ်ဆိုရင်ဘဲဖြစ်ဖြစ်၊ လင်ယောကျာ်းဇနီးမယား သေဆုံးရင်ပဲဖြစ်ဖြစ် အဲဒီစာရွက်စာတမ်းကို ယူဆောင်ပြသပြီးမှသာ လက်ထပ်ခွင့်ပြုမှာ ဖြစ်ပါတယ်။

Step 2 မှာ ကိုယ့်ရဲ့ကိုယ်ရေးရာဇ၀င် နဲ့ ကိုယ်နဲ့လက်ထပ်မယ့်သူ ရဲ့ကိုယ်ရေးရာဇ၀င်ကို သေချာဖြည့်ပါ။မမှားအောင်တော့ဂရုစိုက်ပါ။



ကိုယ့်လက်မှတ်ထိုးပွဲမှာ အသိသက်သေနှစ်ယောက်လိုပါတယ်။ သူတို့တွေဟာ ပီအာ ဆိုရင်တော့ IC နဲ့ရတယ်။ SPASS, EP ဆိုရင် passport လိုအပ်ပါတယ်။ အဲဒီ information တွေထည့်ပြီးပြီဆိုရင် Submit ကို click လုပ်လိုက်ပါ။

Step 3 ကတော့ ကိုယ်လက်ထပ်မဲ့နေရာနဲ့ အချိန်နဲ့ကို ရွေးပေးရမှာပါ။ကိုယ်လက်ထပ်မယ့် အချိန်နဲ့နေရာက ရှေ့နေကိုပို့ထားတဲ့မေးလ်ထဲကအတိုင်း ဖြစ်ရပါမယ်။ ဒီ် Application Form ကိုတင်ပြီးမှ နေရာတွေဘာတွေပြန်ပြင်ချင်ရင် တစ်ခါပြင်ရင် S$ ၂၅ ပေးရပါတယ်။




ကဲ.အဲဒါတွေဖြည့်ပေးရင်တော့ ပိုက်ဆံပေးချေရမှာဖြစ်ပါတယ်။



e-Nets ဆိုတာကို click လုပ်လိုက်ရင် Credit Card နဲ့ပေးလို့ရတာပေါ်လာမှာ ဖြစ်ပြီး ပိုက်ဆံပေးလိုက်ရုံပါဘဲ။ ပေးပြီးတာနဲ့ တစ်ပြိုင်နက် Acknowledge စာရွက်ပေါ်လာမှာဖြစ်ပါတယ်။အဲဒီစာရွက်မှာ လက်မှတ်မထိုးမီ ROM ကိုကျမ်းသွားကျိန်ရမယ့်
ရက် ဖေါ်ပြထားမှာဖြစ်ပါတယ်။အဲဒီရက်က ကိုယ်လက်မှတ်ထိုးမယ့်ရက်မတိုင်မီ တစ်ရက် နှစ်ရက်မှာပါ။ အဲဒီစာရွက်ကို print ထုတ်ပြီး ကျမ်းကျိန်မယ့်နေ့မှာ ယူသွားရမှာပါ။

ကျမ်းကျိန်မယ့်ရက်ဟာ ကြားရက်ဖြစ်တတ်ပါတယ်။ အဲဒီနေ့ရောက်ရင် သတို့သား၊သတို့သမီး ဟာ သူတို့နဲ့ဆိုင်တဲ့ စာရွက်စာတမ်းတွေ အကုန်ယူသွားပါ။ Passport ကအစယူသွားပါ။ပြီးတော့ သက်သေနှစ်ယောက်ရဲ့ IC သို့မဟုတ် Passport ယူသွားရမှာဖြစ်ပါတယ်။ ကျမ်းကျိန်ပြီးတာနဲ့သူတို့ က လက်ထပ်စာချုပ် နှစ်စုံထုတ်ပေးပါတယ်။သေချာစစ်ဆေးပါ။ကိုယ့်နာမည်နဲ့ ကိုယ် IC တွေမှန်လားမှာလား ဆိုတာကို။နှစ်စုံမှာ တစ်စုံက Copy ဖြစ်ပြီး တစ်စုံကတော့ ကတ္တူ နဲ့ပါ။ ရှေ့နေလက်မှတ်မပါပါဘူး နှစ်စုံလုံးမှာ။ အဲဒါဆိုရင် ROM ကိစ္စပြီးပြီ။

လက်မှတ်ထိုးမယ့်နေ့ရောက်မှာတော့ လက်စွပ်နှစ်ကွင်းနဲ့ လက်ထပ်စာချုပ်နှစ်ခုလုံးကို မမေ့ဖို့ အရေးကြီးပါတယ်။လက်မှတ်ထိုးတဲ့အချိန်မှာ ကိုယ်နဲ့ လက်ထပ်မယ့်သူ ရဲ့ IC and Passport,
အသိသက်သေတွေရဲ့ IC and Passport ပါရပါမယ်။ရှေ့နေက original စာချုပ်မှာ လက်မှတ်ထိုးမှာဖြစ်ပြီး အဲဒီစာချုပ်က ကိုယ်တစ်သက်လုံးသိမ်းထားဖို့အတွက်ပါ။ copy မှာကတော့ အသိသက်သေတွေရယ်၊ သတို့သား၊သတို့သမီးရဲ့ လက်မှတ်တွေထိုးရမှာပါ။copy ကိုတော့ ရှေ့နေကပြန်ယူသွားပါတယ်။ပြီးတော့လက်စွပ်လဲရပါတယ်။ရှေ့နေခ ကို S$ 100 နဲ့ S$ 500 ကြားကြိုက်သလောက် စာအိတ်လေးနဲ့ထည့်ပေးလို့ရပါတယ်။အဲဒါဆိုရင် ပြီးပါပြီ။

ချစ်တဲ့သူတိုင်း ညားနိုင်ကြပါစေရှင်။

Read More ->>

ကြောက်လိုက်တာလည်းလွန်ရော

ကြပ်ပြေးဘက်က လှိုဏ်ခေါင်းထဲသို့ အ၀င် (Photo: Yale Online Magazine)

မြန်မာစစ်ဗိုလ်ချုပ်ကြီးများဟာ ပေ ၂၀ ခန့် အမြင့်ရှိပြီးကုန်တင်ကားကြီးများ အလွယ်တကူ ၀င်ထွက်နိုင်တဲ့လှိုဏ်ခေါင်းများကို ကြပ်ပြေးနေပြည်တော်နဲ့ တောင်ကြီးဒေသမှာ တည်ဆောက်နေကြောင်း ဆောင်းပါးရှင် ဘာ့တေးလစ်တနာက ဓါတ်ပုံများနဲ့တကွ ရေးလ်နိုင်ငံတကာ မဂ္ဂဇင်းအင်တာနက်စာမျက်နှာမှာ ဆောင်းပါးတပုဒ် ရေးသားထားပါတယ်။ မြောက်ကိုရီးယားအကြောင်း ရေးထားတဲ့ Tunnels, Gunsand Kimchi: North Korea's Quest of Dollars Part1ဆောင်းပါးမှာ မြောက်ကိုရီးယားတွေဟာ မြန်မာ စစ်ဗိုလ်ချုပ်ကြီးတွေအတွက် လှိုဏ်ခေါင်းတွေ တည်ဆောက်ပေးနေကြောင်း ရေးသားထားတာ ဖြစ်ပါတယ်။ ယနေ့မြန်မာသတင်းဌာနအနေနဲ့ မြန်မာစစ်ဗိုလ်ချုပ်ကြီးတွေ ကြပ်ပြေးဒေသမှာ မြို့တော်သစ် တည်ဆောက် နေကြောင်းသတင်းများကို ၂၀၀၃၊ ၂၀၀၄ ခုနှစ်များက စတင် သိရှိခဲ့ရသလို ကြပ်ပြေးဒေသမှာ လှိုဏ်ခေါင်းများ တည်ဆောက်နေတဲ့သတင်းကိုလည်း၂၀၀၅ ခုနှစ်မှာ ကြားသိခဲ့ရပါတယ်။
သို့သော် လက်ဆုတ်လက်ကိုင်ပြနိုင်တဲ့ ဓါတ်ပုံများနဲ့တကွ သတင်းများ ပေါ်ထွက်ခဲ့တာကတော့ ဒီတခါ ပထမဆုံးအကြိမ် ဖြစ်ပါတယ်။


လှိုဏ်ခေါင်းတွင်းက ခန်းမကျယ်တခု
ထို လှိုဏ်ခေါင်းများဟာ ညူးကလီးယား စမ်းသပ်မှုများအတွက် (သို့မဟုတ်)ဗိုလ်ချုပ်ကြီးတွေ ခိုလှုံဖို့အတွက် စသည်ဖြင့် ဘာ့ကြောင့် တည်ဆောက် ထားတယ်ဆိုတာကိုတော့ အသေအချာ မသိရသေးပါဘူး။ ဖြစ်နိုင်ခြေရှိတာကတော့ ၂၀၀၃အီရတ်စစ်ပွဲမှာ အမေရိကန်တွေက ဆာဒမ်ဟူစိန်ကို ရက်အနည်းငယ်အတွင်းဖြုတ်ချနိုင်ခဲ့တဲ့နောက် လှိုဏ်ခေါင်း တည်ဆောက်ဖို့ အပြီးသတ် ဆုံးဖြတ်ခဲ့ပုံရပါတယ်။ လှိုဏ်ခေါင်းများထဲမှာ အစည်းဝေးခန်းမများ၊ ရိက္ခာခန်းမကြီးများစသည်ဖြင့် ပါဝင်တဲ့အတွက် ကြပ်ပြေးနေပြည်တော်ကို ဗုံးကြဲတိုက်ခိုက်ရင်(ဒါမှမဟုတ်) တပြည်လုံး ဆူပူအုံကြွရင်တောင် စစ်ဗိုလ်ချုပ်ကြီးတွေအနေနဲ့လှိုဏ်ခေါင်းတွေထဲမှာ လအနည်းငယ်ကြာအောင် နေထိုင်နိုင်မှာ ဖြစ်ပါတယ်။တောင်ကိုရီးယားသမတ ချွန်ဒူးဝမ်ရဲ့အဖွဲ့ကို ရန်ကုန်မြို့ အာဇာနည်ကုန်းမှာမြောက်ကိုရီးယားသူလျှိုတွေက ဗုံးခွဲသတ်ဖြတ်ခဲ့တဲ့ ၁၉၈၃ ခုနှစ် ကာလက စတင်ပြီးမြန်မာအာဏာပိုင်တွေဟာ မြောက်ကိုရီးယားနဲ့ သံတမန်အဆက်အသွယ်ဖြတ်တောက်ခဲ့ပါတယ်။ သို့သော်လည်း ၂၀၀၃ ဇူလိုင် ၁၀ ရက်နေ့ထုတ် အရှေ့ဖျားအာရှ စီးပွားရေးရာ သုံးသပ်မှုစာစောင် (Far Eastern Econimic Review) မှာ မြောက်ကိုရီးယား ပညာရှင် ၁၅ ဦးမှ ၂၀ ဦးခန့်ကိုရန်ကုန်မြို့မှာ တွေ့ရကြောင်း ဖော်ပြခဲ့ပါတယ်။ သုံးသပ်သူတဦးကတော့ “မြန်မာစစ်အစိုးရဟာ ၂၀၀၀ ခုနှစ်မတိုင်မီကာလလောက်ကတည်းကရုရှားနဲ့ နီးစပ်ဖို့ စဉ်းစားခဲ့ပုံ ရပါတယ်။ ၂၀၀၃ ခုနှစ်ကာလတွေမှာ မြန်မာစစ်ဗိုလ်လောင်းတွေ ရုရှားမှာ ပညာတော်သင်သွားရောက်နေတယ်
ဆိုတဲ့သတင်းများ ရရှိခဲ့ပါတယ်။၂၀၀၀ နှစ်လွန်ကာလက မြန်မာစစ်အစိုးရ နိုင်ငံခြားရေးဝန်ကြီး ဦးဝင်အောင်ရဲ့ ရုရှားခရီးစဉ်မှာ ရုရှားဆီကစွမ်းအင်ဆိုင်ရာ ညူးကလီးယားနည်းပညာ ယူလိုကြောင်း ရုရှားအာဏာပိုင်တွေကို အသိပေးခဲ့ပါတယ်။ အဲဒီနောက်မှာ မြောက်ကိုရီးယား
တွေဆီက မြေအောက်လှိုဏ်ခေါင်း တည်ဆောက်တဲ့နည်းပညာ ရနိုင်ကြောင်းနည်းလမ်း ရုရှားက နည်းပေးလမ်းပြ လုပ်ခဲ့ပုံရပါတယ်။“ လို့သုံးသပ်ပါတယ်။လက်ရှိ မြန်မာစစ်အစိုးရဟာ ယောဒေသက မီးရထားလမ်း တည်ဆောက်စဉ်လှိုဏ်ခေါင်းဖောက်ခြင်းကို ဂျပန်နည်းပညာနဲ့ ၁၉၉၀ လွန်ကာလက စတင် ပြုလုပ်ခဲ့ပါတယ်။ သို့သော် ကာလအတော်ကြာတဲ့အထိ အောင်မြင်မှု မရရှိခဲ့ဘူး။ သို့ပေမယ့်အခု မြောက်ကိုရီးယားနဲ့ လှိုဏ်ခေါင်းများ တည်ဆောက်တဲ့အခါမှာတော့အချိန်တိုအတွင်းမှာ လျှင်လျှင်မြန်မြန်နဲ့ အောင်မြင်အောင် တည်ဆောက်နိုင်ခဲ့တာတွေ့ရပါတယ်။ ၁၉၉၀ လွန်ကာလက လှိုဏ်ခေါင်း ဖောက်လုပ်မှုဟာ အစိုးရဆောက်လုပ်ရေးလုပ်ငန်းနဲ့ တည်ဆောက်ရတာ ဖြစ်ပြီး အခုအခါမှာတော့ စစ်အင်ဂျင်နီယာတပ် (သို့) စစ်ဗိုလ်ချုပ်များနဲ့ နီးစပ်တဲ့ ဆောက်လုပ်ရေးကုမ္ပဏီများကတည်ဆောက်ခဲ့ပုံရပါတယ်။

ကုန်သေတ္တာတင်ကားကြီးများ ၀င်ရောက်နိုင်တဲ့ တောင်ကြီးဘက်က ဥမင်လှိုဏ်ခေါင်း အ၀င်ဝကို
စစ်ဗိုလ်ချုပ်ကြီးများ စစ်ဆေးနေပုံ
(Photo: Yale Online Magazine)

ဆောင်းပါးရှင် ဘာ့တေးလစ်တနာကတော့ မြန်မာစစ်အစိုးရဟာ ၁၉၉၀ လွန်ကာလကတည်းက မြောက်ကိုရီးယားကိုယ်စားလှယ်တွေနဲ့ ဘန်ကောက်မှာတွေ့ဆုံခဲ့ကြောင်း သူ့ဆောင်းပါးမှာ ဖော်ပြထားပါတယ်။ ၂၀၀၀ ကျော်နှစ်များက မြောက်ကိုရီးယားဟာ မြန်မာစစ်အစိုးရအတွက်လက်နက်ကြီးများ ဖြည့်တင်းပေးခဲ့ကြောင်း သတင်းများ ထွက်ပေါ်ခဲ့ပါတယ်။ကမ္ဘာမှာ အတော်ဆုံး ဥမင်လှိုဏ်ခေါင်း တည်ဆောက်သူတွေထဲမှာ မြောက်ကိုရီးယားနိုင်ငံ ပါဝင်တာမို့ မြန်မာစစ်အစိုးရအနေနဲ့ အဲဒီနည်းပညာတွေကို ဈေးပေါပေါနဲ့တော့ ရခဲ့ဟန် မတူပါဘူး။ သို့သော်လည်း အခုလို တည်ဆောက်မှုတွေအတွက် ဘယ်လိုပုံနဲ့ ငွေပေးချေတယ်ဆိုတာကိုတော့ ဘယ်သူမှ အသေအချာ မသိကြသေးကြောင်း၊ ကုန်ပစ္စည်းချင်း လဲလှယ်တဲ့စနစ်နဲ့ ငွေပေးချေမှု ပြုလုပ်ဟန် ရှိကြောင်းသုံးသပ်ကြပါတယ်။
စစ်အစိုးရ တည်ဆောက်ထားတဲ့ လှိုဏ်ခေါင်းများဟာ ကုန်သေတ္တာတင်ကားကြီးများ ၀င်ရောက်နိုင်တဲ့အထိ ကြီးမားတာကို တေ့ရွ ပြီး တံတား၊ လမ်း၊ စက်ရုံ၊မီးရထားလမ်း၊ ရေကာတာ တည်ဆောက်မှု လုပ်ငန်းများနဲ့ ဖွင့်ပဲမျွားအကြောင်းဝေေ၀ဆာဆာ တင်ပြတတ်တဲ့ စစ်အစိုးရအာဘော်သတင်းစာများမှာ ကြပ်ပြေးနဲ့တောင်ကြီးက လှိုဏ်ခေါင်းကြီးများအကြောင်း ဖော်ပြတာကိုတော့ မတွေ့ရပါဘူး။မြန်မာစစ်ဗိုလ်ချုပ်ကြီးများရဲ့ လှိုဏ်ခေါင်းများနဲ့ ပတ်သက်ပြီး နယူးယောက်နေမြန်မာတဦးက “ဒီ လှိုဏ်ခေါင်းတွေ တည်ဆောက်တဲ့အတွက် စစ်ဗိုလ်ချုပ်တွေအတွက်တော့ အနည်းဆုံး ငွေကြေးအရ အကျိုးရှိမှာ သေချာတယ်။စစ်အင်ဂျင်နီယာတပ်နဲ့ တည်ဆောက်ရင်လည်း အဲဒီတပ်က သက်ဆိုင်ရာစစ်အရာရှိတွေကို ပေးရကမ်းရမှာပဲ။ ဗိုလ်ချုပ်ကြီးတွေနဲ့ ပတ်သက်တဲ့ ပုဂ္ဂလိက
ကုမ္ပဏီတွေနဲ့ တည်ဆောက်ရင်လည်း တိုင်းပြည်ဘဏ္ဍာတွေ သူတို့အိတ်ထဲကိုရောက်မှာပဲ။ ပြည်သူပြည်သားတွေအကျိုးအတွက်တော့ ဘာမှ ရှိဟန် မတူဘူး။“လို့ ပြောပါတယ်။ မြန်မာစစ်ဗိုလ်ချုပ်တွေအနေနဲ့ အခုလို လှိုဏ်ခေါင်းကြီးများ တည်ဆောက်ခြင်း အပါအ၀င် စစ်စားရိတ်များစွာ အသုံးပြုခြင်းဟာ မြန်မာပြည် ဆင်းရဲမွဲတေခြင်းရဲ့ အကြောင်းတခုလေလားလို့ စဉ်းစားစရာ ဖြစ်နေပါတယ်။

သူငယ်ချင်းတစ်ယောက် ဆီကရတဲ့မေးလ်ပါ။
သူလည်း Burma Today ထဲကကူးယူထားတယ်တင်တယ်။

Read More ->>