"သင်ဘယ်လောက်ကြီးသလဲ?" တဲ့။
မေးခွန်လေးတစ်ခုက်ိုသဘောကျလွန်းလို့မှတ်ထားတယ်။ကိုယ့်ကိုယ်ကိုလည်းခဏခဏမေးမိပါတယ်။အဲဒါဘာလဲဆိုတော့
“ How BIG are you?” BIG ဆိုတာ Capital B, Capital I, Capital G။
“သင်ဘယ်လောက်ကြီးသလဲ” တဲ့နော်။ ခန္ဓာကိုယ်ကြီးတာကိုမဆိုလိုဘူး။ရာထူးကြီးတာကို
လည်းပြောတာမဟုတ်ဘူး။စိတ်ဓါတ်နဲ့အသိဥာဏ်ဘယ်လောက်ကြီးသလဲ၊သဘောထားဘယ်
လောက်ကြီးသလဲတဲ့။အဲဒါမေးတာနော်။အင်မတန်လေးနက်တဲ့မေးခွန်းဘဲနော်။ကိုယ့်ကိုယ်ကို
မေးကြည့်ပါ။တကယ်အောင်မြင်တဲ့သူတစ်ယောက်ဖြစ်ဖို့ဆိုတာသင်ဟာကြီးတဲ့လူတစ်ယောက်
ဖြစ်မှရမယ်။စိတ်ဓါတ်နဲ့အသိဥာဏ်ကြီးရမယ်။သဘောထားကြီးရမယ်။သဘောထားသေးတဲ့လူ
ဟာလုပ်ငန်းကြီးကြီးကိုအောင်မြင်အောင်မလုပ်နိုင်ပါဘူး။တာဝန်ကြီးကြီးမထမ်းဆောင်နိုင်ဘူး။
အများအကျိုးကိုထိထိရောက်ရောက်မဆောင်ရွက်နိုင်ပါဘူး။
ဘယ်အလုပ်ဟာကြီးကျယ်တယ်၊ဘယ်အလုပ်ဟာမြင့်မြတ်တယ်ဆိုတာသိဖို့ကိုမလွယ်ဘူး။အဲ
ဒါကိုသိဖို့ကိုပဲကြိုးစားနေတဲ့သူတွေဟာသူကိုယ်တိုင်ကြီးမှရမယ်။ကြီးတာကိုသိဖို့ရာသူကိုယ်
တိုင်ကကြီးမှဖြစ်မှာနော်။ကြီးတဲ့သူမှသာကြီးတာကိုသိနိုင်မှာ။
“ဘယ်အလုပ်ဟာငါ့ရဲ့စိတ်ဓါတ်တွေအပြည့်ပေးပြီးတော့လုပ်ဖို့ရာထိုက်တန်သလဲ”ဆိုတာကိုသိ
ဖို့ရာလည်းကိုယ်ကိုယ်တိုင်ကအသိဥာဏ်ကြီးတဲ့သူ၊စိတ်ဓါတ်ကြီးတဲ့သူဖြစ်ရဦးမယ်နော်။စိတ်
ဓါတ်မကြီးတဲ့သူအသိဥာဏ်မကြီးတဲ့သူဟာအသေးအမွှားမပြောပလောက်တဲ့ကိစ္စလေးတွေနဲ့ပဲ
သူ့ရဲ့emotional energy တွေဟာ waste ဖြစ်တယ်။ သူရဲ့စိတ်ဓါတ်အင်အားတွေဟာ
ပြုန်းတီးကုန်တယ်။သဘောထားမကြီးတဲ့သူဟာပြဿနာသေးသေးလေးနဲ့အချိန်ကုန်နေတယ်။
ပင်ပန်းတယ်နော်။သဘောထားကြီးတဲ့သူဟာပြဿနာသေးသေးလေးတွေနဲ့အချိန်ကုန်မခံဘူး။
သူ့မှာကြီးကြီးကျယ်ကျယ်လုပ်စရာတွေရှိသေးတယ်။အဲဒီတော့ဒီကိစ္စတစ်ခုဟာကြီးသလား၊
သေးသလားဆိုတာသိဖို့တောင်မှသူကတော်တော်လေးရင့်ကျက်မှရမယ်။နို့မဟုတ်ရင်ကြီးတာ
နဲ့သေးတာမခွဲနိုင်ဘူးနော်။
လူတော်တော်များများဟာအရေးကြီးတာနဲ့မကြီးတာကိုမခွဲနိုင်ဘဲများသောအားဖြင့်အရေးမကြီး
တဲ့ကိစ္စတွေနဲ့ဘဲတနေ့လုံးအချိန်ကုန်ပြီးတော့ဘာမှထိထိရောက်ရောက်အလုပ်မလုပ်ဖြစ်ဘူး။မိုး
လင်းကမိုးချုပ်ဘယ်သူကဘယ်လိုပြောတာ၊ဘယ်သူကဘာလုပ်တယ်ဘယ်သူကမကောင်းဘူး၊
ဘယ်သူကဘာဖြစ်တယ်နဲ့။အဲလိုဘဲသူများအကြောင်းတွေသူများအမှားတွေချွတ်ယွင်းချက်စ
သည်ဖြင့်ပေါ့။ဒါတွေကိုပြောပြီးတော့အချိန်ကုန်သွားတယ်။
အဲဒီတော့တကယ်အလုပ်ကြီးကြီးလုပ်မယ့်သူဟာသူများကိစ္စတွေအသေးအမွှားတွေပြောပြီး
တော့အချိန်ကုန်မခံသင့်ဘူး။
သူတစ်ပါးအပေါ်မုန်းတီးတာ၊နားကျည်းတာ၊ရန်လိုတာရန်ငြိုးထားတာအဲဒါတွေဟာကိုယ့်အ
တွက်ဘယ်လောက်ထိခိုက်သလဲဆိုတာသင်သိလို့ရှိရင်အဲဒီလိုမဖြစ်လောက်တဲ့အသေးအမွှား
စိတ်အနှောင့်အယှက်ဖြစ်စရာတွေကိုဖြစ်ဖြစ်ချင်းသိပြီးသွားပေတော့..တော်ပြီဆိုပြီးအတိတ်မှာ
ထားခဲ့နိုင်မယ်။
သတိနဲ့နေတဲ့သူဟာအသေးအမွှားကိစ္စတွေနဲ့စိတ်အနှောင့်အယှက်တာရှည်အဖြစ်မခံဘူး။ချက်
ချင်းဘဲသူ့ကိုအတိတ်မှာဘဲထားခဲ့တယ်။
ကိုယ့်ဘ၀မှာတွေ့ကြုံရတဲ့အရာတွေအားလုံး။ပျော်ရွှင်စရာတွေ၊စိတ်ညစ်စရာတွေ၊စိတ်ဆင်းရဲစ
ရာတွေအားလုံးဟာကိုယ့်ကိုတနည်းအားဖြင့်ပုံဖေါ်ပေးတယ်။ကိုယ့်ကိုဘယ်လိုလူဖြစ်မလဲဆို
တာကိုသူတို့ကပုံဖော်ပေးတာ။လောကဓံတရားကကိုယ့်ကိုပုံဖော်ပေးတာ။စိတ်ဆင်းရဲစရာတွေ
များများကြုံလာလို့ရှိရင်ဒီလူဟာစိတ်ဓါတ်တွေကျလာမယ်၊ကြမ်းတမ်းပြီးတော့ဘ၀ကိုအလကား
ဖြစ်အောင်လုပ်လိုက်မယ်လို့ပုံသေပြောလို့မရဘူးနော်။ပျော်စရာရွှင်စရာတွေကြုံရတဲ့သူဟာဘ
ဝကိုကျေနပ်ပြီးတော့အောင်မြင်တဲ့လူတစ်ယောက်လို့ပုံသေပြောလို့မရဘူး။ကိုယ်ကြုံတွေ့ရတဲ့
လောကဓံတွေဟာကိုယ့်ကိုဘယ်လိုပုံဖော်မလဲဆိုတာကိုယ့်အပေါ်မှာအများကြီးမူတည်ပါတယ်
။ကိုယ်ကအများကြီးcontrolလုပ်လို့ရတယ်။ဘယ်လိုလုပ်ရလဲဆိုတော့ကိုယ်ကသတိရှိနေလို့ရှိရ
င်အခက်အခဲတွေအများကြီးကြုံပေမဲ့သတိနဲ့ဥာဏ်လေးနဲ့ကြည့်ပြီးတော့ကိုယ့်စိတ်ကိုကိုယ်အေး
အောင်ထားပြီးတော့ကောင်းသည်ထက်ကောင်းအောင်ကြိုးစားသွားလို့ရှိရင်ကောင်းတဲ့သူတစ်
ယောက်ဖြစ်လာမှာပါ။အခက်အခဲတွေကြုံတွေ့ရတဲ့အခါမှာကိုယ်ကသတိနဲ့ဥာဏ်နဲ့မကြည့်ဘဲနဲ့
မကောင်းတဲ့နည်းနဲ့ဒီပြဿနာကိုဖြေရှင်းမယ်ဆိုရင်ကိုယ်ကဆိုးတဲ့သူတစ်ယောက်ဖြစ်သွားမှာ
ဘဲနော်။ဒါ့ကြောင့်အခက်အခဲတစ်ခုခုကြုံတဲ့အခါမှာလူနှစ်ယောက်တုန့်ပြန်မှုကမတူဘူး။
ဥပမာ.တစ်ယောက်ကသတိနဲ့နေတဲ့သူ၊ဥာဏ်ရှိတဲ့သူ၊သူ့စိတ်ကိုသူသိတဲ့သူတစ်ယောက်ဟာအ
ခက်တွေ့လာပြီဆိုရင်”မကောင်းတဲ့နည်းနဲ့မရိုးသားတဲ့နည်းနဲ့ဖြေရှင်းလိုက်ရင်ငါ့စိတ်ဓါတ်တွေ
ပျက်စီးသွားမယ်။ဒီနည်းနဲ့ငါမဖြေရှင်းဘူး၊ငါ့ရဲ့စိတ်ဓါတ်ကိုအပျက်စီးမခံနိုင်ဘူး။ငါရိုးရိုးသားသား
နဲ့ဥာဏ်ကြီးကြီးနဲ့ဖြေရှင်းမယ်။တကယ်လို့ဒီအခက်အခဲကြောင့်ငါ့မှာဆုံးရှုံးမှုနစ်နာမှုတွေရှိလာ
မယ်ဆိုရင်လည်းခံလိုက်မယ်။အခက်အခဲဆိုတာခဏပါ။တသက်လုံးမဟုတ်ပါဘူး။ခဏငါသည်း
ခံလိုက်ရင်တချိန်ကျရင်ပြေလည်သွားမှာဘဲ။”လို့တွေးပြီးဖြေရှင်းသွားတယ်။အဲဒီလိုသတိနဲ့ဖြေ
ရှင်းသွားရင်ဒီဒုက္ခပင်လျှင်သူ့ကိုလူကောင်းတယောက်ဖြစ်အောင်အထောက်အကူပြုပေးတယ်။
နောက်တယောက်ကျတော့အခက်အခဲတစ်ခုကြုံတိုင်း သူ့စိတ်ကိုသူမသိဘူးဆိုရင်
“အခက်အခဲတော့ကြုံပြီ၊ငါဘယ်လိုပရိယာယ်တွေသုံးရမလဲ။ဘယ်သူ့အပေါ်ပုံချလိုက်ရမလဲ။”
မရိုးသားတဲ့နည်းနဲ့တစ်ခုခုလုပ်ချင်လည်းလုပ်လိုက်မှာဘဲနော်။အဲဒီလိုမရိုးသားတဲ့နည်းနဲ့ပြဿ
နာကိုဖြေရှင်းလိုက်ကတည်းကိုကမရိုးသာတဲ့လူဖြစ်သွားပြီ။သူ့ရဲ့စိတ်ဓါတ်ပျက်စီးသွားပြီပေါ့။
လူတစ်ယောက်မှာတန်ဖိုးမဖြတ်နိုင်တဲ့စိတ်ဓါတ်ပျက်စီးသွားပြီဆိုရင်သူ့အတွက်ဘာမှကိုမကျန်
တော့တာ။မရိုးသားတဲ့နည်းနဲ့ထွက်ပေါက်ရှာတဲ့သူဟာကြာလေလေအဆင့်နိမ့်သွားလေလေဘဲ
။သူ့စိတ်ဓါတ်နဲ့အသိဥာဏ်ကဘယ်တော့မှမြင့်မြတ်တဲ့လူမဖြစ်နိုင်တော့ဘူး။အရည်အချင်းရှိတဲ့
သူဘယ်တော့မှမဖြစ်နိုင်တော့ဘူး။ယုတ်နိမ့်တဲ့သူဘဲဖြစ်တော့မှာ။အဲဒီတော့အခြေအနေတစ်ခု
ကြုံလာတိုင်းမှာဒီအခြေနေကကိုယ့်အပေါ်ဘယ်လောက်ထိဘယ်လိုလွှမ်းမိုးမလဲဆိုတာဟာ
ကိုယ့်အပေါ်မှာဘဲမူတည်ပါတယ်။
အဲဒါကိုဘယ်တော့မှမမေ့ပါနဲ့။
*ဆရာတော်ဦးဇောတိကရဲ့တရားစာအုပ်ဖတ်ရင်းနဲ့ အဲဒါလေးတွေ့လို့ အရမ်းသဘောကျလို့ ကိုယ်တိုင်
စာရိုက်ပြီးဝေမျှလိုက်ပါတယ်။ကူးယူဝေမျှလိုကဝေမျှနိုင်ပါတယ်ရှင့်။
3 comments:
ဆရာတော်ရဲ့  စာလေးတွေကို ဝေမျှပေးတာ အရမ်းကျေးဇူးတင်ပါတယ်။
ဘယ်လောက်မှမကြီးပါဘူး။ ဆရာတော်စာတွေ တော့ယူသွားတယ်။ကောင်းပါတယ် မမမျက်မှန်ဝဝ(ခင်မင်ရင်းနှီးစွာဖြင့် ကျီးစားသောလေသံ ဖြင့်ပြောသည်။)။ လေးစားပါတယ်။ နောက်လည်းလာမယ်နော်။
မမရယ်ကြောက်သွားတာပဲ ညီမဖြင့် ကိုယ်ဘယ်လောက်ကြီးလဲ ဆိုတော့ ပြီးတော့မှ ဆရာတော် ဘုရားစာလေးတွေ ဖြစ်နေတယ် ဖူးးးးးး တော်ပါသေးရဲ့
Post a Comment