အချစ်ဦး ၊ အချစ်စ ၊ အချစ်လယ်၊ အချစ်ဆုံး။


အချစ် ၁။

မမ တစ်ယောက်အိပ်ရာ မှ နိုးထတာနဲ့ အရင်နေ့ ကနဲ့ မတူဘဲ ကျောင်းသွားဖို့ လန်းဆန်းပြီး တက်ကြွနေတယ်။ တစ်သက်လုံး မှာ ကျောင်းသွားဖို့ တက်တက်ကြွကြွပြင်ဆင်တာ ဒီနေ့ တစ်နေ့ဘဲ ရှိတယ်။ အရင်နေ့တွေတုန်းကဆိုရင် မေမေလာနှိုးတာတောင် ၁၅ မိနစ်လောက် အိပ်ရာထဲမှာ ထပ်ကွေးတတ်တဲ့ မမတစ်ယောက် ဒီနေ့တော့ alarm မြည်တာနဲ့ ချက်ချင်း အိပ်ရာထ စောင်တွေ ခေါက်ပြီး ရေချိုးခန်းတန်းပြေးပြီး ရေမိုးချိုး ခေါင်းလျှော် နဲ့ အိမ်ကလူ တွေတောင် မမကို မမြင်စဖူး အထူးတဆန်းဖြစ်နေကြတယ်။ မမ ဘာကြောင့် ဒီလိုဖြစ်နေတာ ဆိုတာတော့ အိမ်ကလူတွေကတော့ မသိကြဘူးပေါ့။ မမ ရင်ထဲမှာတော့ သိမ့်သိမ့်လေး တုန်လို့ နေပါတယ်။
မှန်တင်ခုံ ရှေ့မှာ ထိုင်ပြီး မနေ့က ကျောင်းမှာ တွေ့ခဲ့တဲ့ သူ့အကြောင်းကို စဉ်းစားမိနေခဲ့ တယ်။ မနေ့က မမတို့ သူငယ်ချင်းတစ်စု ကင်တင်းမှာ ထိုင်နေတုန်း.....

“ ၀က်သားလုံးကြော် တစ်ပွဲ၊ နို့သစ်ခွ တစ်ခွက် ”

မှာလိုက်တဲ့ အသံကို မမကြားလိုက်မိတယ်။ ထူးခြားတဲ့ အသံရှင်ဖြစ်တာကြောင့်မို့လို့ မမခေါင်းငဲ့ပြီး အသာ သူရှိရာကို လှည့်ကြည့်ခဲ့မိတယ်။ အသံ အေးအေးလေးလေးနဲ့ လိုက်ဖက်စွာ ရုပ်ကလေးကလည်း ကလေးရုပ်ကလေးနဲ့ အသားခပ်ဖြူဖြူ ဘိုကေ ပိပိရိရိ ကောင်လေးတစ်ယောက် ကို မြင်လိုက်တာနဲ့ မမရင်ထဲ ဘာမှန်းမသိတဲ့ ခံစားချက်ကြီးတစ်ခုတိုးဝင်လို့ နှလုံးသားကလည်း တဒိတ်ဒိတ် နဲ့ အခုန်မြန်နေတော့တယ်။ အမြဲလျှို့လျှို့ဝှက်ဝှက်နေခဲ့တဲ့ မမ ရဲ့ ပင်ကိုယ်စရိုက် အတိုင်း ရင်ထဲကို သူဝင်လာတာကို ဘယ်သူကိုမှ မပြောဘဲ ဆိတ်ဆိတ်လေးနေခဲ့မိတယ်။ သူလည်း မှာထားတာတွေစားသောက်ပြီးတော့ ကင်းတင်းကထွက်တဲ့အထိ မမတို့ သူငယ်ချင်းတွေကတော့ လေပေးလို့ကောင်းတုန်း။ မမလည်းသူ့ကို မသိမသာလိုက်ကြည့်မိတယ်။ ကျောင်းလုံချည်လေးကို တရွတ်တိုက်ဝတ်တတ်တဲ့သူက အရပ်ကလေးကတော့ တခြားယောကျာ်းလေးတွေနဲ့ယှဉ်ရင် နည်းနည်းတော့ ခပ်နိမ့်နိမ့် ဖြစ်တယ်။ အရင်ကတည်းက အရပ်သိပ်မမြင့်တဲ့ မမနဲ့ ဆိုရင် အတော်ဘဲ လို့စိတ်ထဲမှာ စဉ်းစားရင်း ပြုံးနေမိတယ်။

သူ့အကြောင်း စဉ်းစားနေလို့ အနောက် က မေမေ လာခေါ်တာတောင် မကြားလိုက်ဘူး ဖြစ်သွားတယ်။ ကျောင်းရောက်တော့ မမ သူငယ်ချင်းတွေ စောင့်နေတဲ့ ကင်တန်းကို ပြေးအလာ မနေ့က ကောင်လေးနဲ့ တိုက်မိမလိုဖြစ်ပြီး စာအုပ်တွေ လွင့်စင်ကုန်တယ် ။ (ရုပ်ရှင်ထဲက အတိုင်းပေါ့ ဟိဟိ). ကောင်လေး ကပြန်ကောက်ပေးပြီး တောင်းပန် ခင်မင်ရင်းနှီးသွားတယ်။ သူနဲ့ တွဲပြီး ကင်တန်း ကို ထွက်ခဲ့တယ်။ သူငယ်ချင်းတွေ မမြင်အောင် ဟိုဘက်ကင်တန်း တစ်ခု ထွက်လာ ခဲ့တယ်။ သူ့နာမည်က ခိုင်မြဲ တဲ့။ မမထက် နှစ်တန်းငယ်တယ်။ မမ က Final Year .မှာ သူက First Year ပေါ့။ သူက မမ ကို သူငယ်ချင်း တစ်ယောက်ထက် မပိုပေမယ့် မမ ဘက်က သူ့ကို ချစ်သူ တစ်ယောက် လို ချစ်မိနေတာ သူသတိထားမိပါစ။ မမအတွက် ဒီနှစ်နောက်ဆုံးနှစ်ဆိုတော့ မမ သူနဲ့ တွေ့ဖို့ အခွင့်အရေးက သိပ်ကို နည်းပါးလွန်းပါတယ်။ မိန်းမမာယာ တွေ အပြည့်ထုတ်သုံးပြီး သူ့ကို ချဉ်းကပ်ခဲ့ပါတယ်။ ဒါပေမယ့် မမရဲ့ ချစ်နည်းဗျူဟာတွေ မအောင်မြင်ခဲ့ပါဘူး။ မမကျောင်းပြီးတဲ့အထိ သူ့ဘက်က မမကို သူငယ်ချင်းတစ်ယောက်ထက်မပိုခဲ့ပါဘူးရှင်။ မမရဲ့ အချစ်ဦးပေါ့။ မမဘက်က ပြောတာနော်။ မမ သူ့ကို ချစ်တဲ့စိတ်နဲ့ နောက်ဆုံးနှစ်မှာ ကြိုးစားခဲ့ လို့ ဂုဏ်ထူးတန်းဝင်ခွင့်ရခဲ့ပါတယ်။ အဲဒါမှ သူနဲ့ တွေ့ခွင့်ရမှာပေါ့။ ဒါပေမယ့် မထင်မှတ်စွာ ဘဲ ခိုင်မြဲ က ဒုတိယနှစ်မှာ အမေရိကားကို DV ပေါက်လို့ ထွက်သွားခဲ့တယ်။ မမ ရင်ထဲမှာ ဗလောင်ဆူခဲ့ရပါတယ။် တစ်နေ့နေ့တော့ သူရှိရာ နိုင်ငံကို အရောက် လိုက်မယ်ဆိုတဲ့ စိတ်နဲ့ မမ တစ်ယောက် အဲဒီ နိုင်ငံရဲ့ တက္ကသိုက် တစ်ခုပြီး တစ်ခု ကို လှမ်းလျှောက်ခဲ့တယ်။ အချိန်အားဖြင့် ၅ လလောက်ကြာတော့ မမရဲ့ ကံဇာတာတက်လာတယ် ပြောရမလားဘဲ၊ ဖလောရီးဒါး ( Florida University ) မှာ ဘွဲ့လွန်ဒီဂရီ တက်ခွင့်ရခဲ့ တယ်။ ပြည်ပမထွက်မီ မမ ပျော်နေခဲ့တယ်။ ဒါပေမယ့် သူဘယ် State မှာ နေလည်း မမ တကယ်မသိခဲ့ပါဘူး။ အဲဒီအတွက် မမစိုးရိမ် ပူပန် နေခဲ့ပါတယ်။ ဒီလောက် အကျယ်ကြီးရှိတဲ့ အမေရိကန် နိုင်ငံမှာ သူ့ကို ဘယ်လိုရှာရပါ့မလည်း အချိန်ရှိသရွေ့ စဉ်းစားနေခဲ့ပါတယ်။ ဒီလိုနဲ့ မမ တစ်ယောက် School Hostel တစ်ခုမှာ နေထိုင်ခွင့်ရခဲ့ပါတယ်။ ကံတရားက မမဘက်ကို ၁၀၀% အလေး ပေးတယ် ဘဲပြောရမလားမသိဘူး။ ကျောင်းတက်လို့ ၃ လခန့်အကြာ မှာ ဘာဂါ ဆိုင်တစ်ဆိုင်မှာ ၀င်ထိုင်ရင်း ဘေးဝိုင်းကမြန်မာသံ ကြားလို့ လှည့်အကြည့် မမ ခဏတာ မှင်သက်သွားမိပါတယ်။ သူပါလား။ သူတို့ ၀ိုင်းဆီကို မမလျှောက်သွားပြီး သူ့ဆီက ဖုံးနံပါတ် တွေ လိပ်စာတွေ တောင်းခဲ့မိတယ်။ ဘေးနားက ဘာမဆိုင်ညာမဆိုင် သူ့သူငယ်ချင်းကလည်း မမ ဖုံးနံပါတ် တွေယူသွားခဲ့တယ်။ အဲနေ့ညဘဲ မမ သူ့ဆီကို ဖုန်းဆက်ဖြစ်တယ်။ နောက်နေ့ ကျတော့ သူနဲ့ ချိန်းပြီးလျှောက်လည်ဖြစ်ခဲ့တယ်။ သူ့ဘက် ကတော့ ရိုးရိုးသားသားပါဘဲ။ မမဘက်ကသာ။ ဒီလိုနဲ့ နောက်ပိုင်းသူ မမ ကိုအတွေ့မခံတော့ဘူး ။ မမ ဖုန်းဆက်ရင်လည်း သူမကိုင်တော့ဘူး ။ အဲဒီတော့ သူရဲ့ သူငယ်ချင်းကို မမဆက်သွယ်ခဲ့မိတယ်။ သူက တမင်ရှောင်နေတာတဲ့ ။မမ ၀မ်းနည်းလိုက်ရတာ။ မမ ၀မ်းနည်းတိုင်းမှာ နောင်လတ်က မမကို အဖော်အဖြစ်နေပေးခဲ့တယ်။

အချစ် ၂။

နောင်လတ်က မမ အပေါ်အနွံအတာခံလွန်းတော့ မမ သူ့ကို သံယောဇဉ် ဖြစ်မိပြန်ပါတယ်။ နောက်တော့ ရည်းစားရသွားတဲ့ မမ ရဲ့အချစ်ဦးကို မမမေ့ပစ်ခဲ့တယ်။ ဘေးနားမှာ နောင်လတ်က လည်းတစ်ချိန်လုံးရှိနေလို့ မမရဲ့ အသည်းကွဲ ဒဏ်ရာ က သိပ်မသိသာခဲ့ပါဘူး။ နောက် ၄ လ လောက်ကြာတော့ နောင်လတ်နဲ့ မမတို့ ချစ်သူရည်းစား ဘ၀ကို ရောက်ရှိခဲ့တယ်။ မမဘ၀မှာ တစ်ခါမှ မရဘူးခဲ့တဲ့ ကြင်နာယုယမှုမျိုးကို နောင်လတ်ဆီက မမရခဲ့ပါတယ်။ အမြဲ အိပ်ရာထဖို့ ပျင်းတဲ့ မမကို မနက် ၇ နာရီ ထိုးတာနဲ့ ဖုန်းခေါ်ပြီး အိပ်ရာနှိုး တတ်တယ်။ မမ ဘာဂါကြိုက်မှန်းသိပေမယ့် မမ ၀မှာ စိုးတဲ့ အတွက် တစ်ပါတ်တစ်ခါ မှသာ ၀ယ်ကျွေးတတ်တဲ့ ကောင်လေးတစ်ယောက်ပေါ့။ ကျောင်းအပြန်လမ်းတွေ မှာ မမ အမြဲ ဆုပ်ကိုင် ထားခဲ့ တဲ့ လက်တစ်စုံ ရဲ့ ပိုင်ရှင်။ လမ်းခွဲ ခါနီးတိုင်းမှာ မမရဲ့ မကျဉ်းမကျယ် နဖူးပြင် ကို နှုတ်ဆက်အနမ်းလေးခြွှေတတ်သူ။ ရိုးသားတဲ့ သူ။ဖြူစင်တဲ့ သူ။ မမ သူ့ ကို မမ နှလုံးသားတစ်ခု လုံးပုံ အပ်ပြီး ချစ်ခဲ့ တယ်။ မိဝေး ဖဝေးနေနေရတဲ့ မမအဖို့ သူ့ကိုတွယ် တာမိခဲ့တာ မမအမှားလားဟင်။ ဒါပေမယ့် မမသူ့ကို တစ်သက်လုံး လက်တွဲဖို့ မ၀ံ့ရဲခဲ့ဘူး။ ဘာလို့လည်းဆိုတော့ မပြည့်စုံတဲ့ သူတို့မိသားစုတာဝန်က သူ့ တစ်ယောက်တည်းထမ်း ထားရလို့ပါဘဲ။ မမ သူ့ကို နှလုံးသား တစ်ခု နဲ့ချစ်ခဲ့ပေမယ့် ဦးဏှောက် ကသူ နဲ့ လက်တွဲဖို့ ငြင်းဆန်နေခဲ့တယ်။ မမ ရဲ့ အာရုံတွေ သူ့ဆီမရောက်အောင် မမ စာကို သာဖိလုပ်ခဲ့ တယ်။ မမ စာမလိုက်နိုင်တိုင်းမှာ အမြဲ ရှင်းပြပေးတဲ့ ကိုပြည့်စုံနဲ့ မမအနေများခဲ့ တယ်။ အရင် တစ်နေ့ တစ်ခါ တွေ့နေကျ ဖြစ်တဲ့ နောင်လတ်နဲ့ မမ အဆက်အသွယ်ဖြတ်ခဲ့တယ်။ အချစ်တစ်ခုတည်းနဲ့ ဘယ်လိုမှ မဖြစ်နိုင်တဲ့ ဘ၀မှာ မမ နောင်လတ်ကို ထားခဲ့သလိုဖြစ်ခဲ့တယ်။ ဒီအတွက် မမ နှလုံးသားတွေ တစ်စစ်စစ်နဲ့ နာကျင်ရပါတယ်။ ဒါပေမယ့် အရာရာမှာ ဦးဏှောက်ကို ဦးစားပေးတဲ့ မမ ဒီတစ်ခေါက်လည်း ဦးဏှောက် ကဘဲ အနိုင်ရသွားခဲ့ပါတယ်။

အချစ် ၃။

ကိုပြည့်စုံ ကတော့ နာမည်နဲ့လိုက်အောင်ပြည့်စုံတဲ့သူ တစ်ယောက်ပါ။ မမထက် အသက် နှစ်နှစ်လောက်ကြီးပေမယ့် သူရဲ့ပုံစံလေးက အမြဲရွှင်လန်းတက်ကြွနေခဲ့တယ်။ မမ ကို သူ့ညီမလေးတစ်ယောက်လိုဂရုစိုက်ခဲ့တယ်။ သူက မမလိုချင်တဲ့ မမ အိမ်မက်ထဲက အိမ်ထောင်ဘက် တစ်ယောက် ပုံမျိုးအပြည့်ရှိတယ်။ ပညာအရည်အချင်း၊ ရုပ်ရည်၊ မိဘဆွေမျိုး အဆင့် အတန်း အရာအားလုံးမှာ မမထက်သာတာတွေချည်းဘဲ။ မမ စာကျက်ချင်အောင် အမြဲ တတွတ်တွတ် ပြောနေတတ်တဲ့ အကို တစ်ယောက်ပါဘဲ။ မမ ကို ကိုပြည့်စုံ က ညီမလေး လို့ခေါ်တယ်။ မမ အဲဒီအသံလေးမှာ သာယာနစ်မြောခဲ့မိတာကို မမ၀န်ခံပါတယ်။ မမ ကိုပြည့်စုံ ကို ဦးဏှောက်နဲ့ ရွေးချယ်ပြီး ချစ်ခဲ့တယ်။ သူတစ်နေ့ နေ့ မမကို ဖွင့်ပြောလာလိမ့်မယ် လို့ မမယုံကြည်ခဲ့တယ်။ မျှော်လဲမျှော်လင့်နေခဲ့မိတယ်။ တည်ကြည်ခံငြားတဲ့ သူ နဲ့ လိုက်ဖက်ညီစွာ မမ ရဲ့ အနေအထိုင်၊ အပြင်အဆင် ၊ ၀တ်တာ စားတာ အားလုံးကို ပြင်ခဲ့တယ်။ မိန်းကလေးတွေ အလယ်မှာ စန်းပွင့်တဲ့ စာတော်တဲ့ ရုပ်ရည် သန့်သန့်ပြန့် ပြန့် ရှိတဲ့ သူနဲ့ လူပုံအလယ် လက်ချိတ်ပြီး သွားရမယ့် နေ့၊ သူ့ဆီ က ချစ်စကား တွေ ပွင့်အံလာမယ့်နေ့ကို မမ ကြိုတင်ပြီး စိတ်ကူးယဉ်ရတာလည်း အခါတစ်ရာမကတော့ပါ။ ဒါပေမယ့် စာမေးပွဲ ဖြေအပြီးတဲ့ နေ့မှာတော့ မမရဲ့ စိတ်ကူးယဉ်တာတွေဟာ အလဟသ သဲထဲရေသွန် ဖြစ်ကုန်ပါတော့တယ်။ စာမေးပွဲပြီးလို့ စာမေးပွဲခန်းထဲကအထွက်..
ညီမလေး ”
“ ဟုတ် ကိုပြည့်စုံ ”
“ ညီမလေး ကို ကိုယ်တစ်ခုပြောစရာရှိလို့၊ ParkWay က ဆိုင်တစ်ဆိုင် မှာ သွားပြောရအောင်နော် ။ လိုက်ခဲ့ပါလား…နော်”
မမ ရင်တွေ တဒိန်းဒိန်း ခုန်နေပါပြီ။
နောက် ၃၀ မိနစ်လောက်ကြာတော့ ဆိုင်ကိုရောက်ပါတယ်။ အဲဒီ ကိုပြည့်စုံ က မိန်းမတစ်ယောက် ထိုင်နေတဲ့ ထောင့်ဝိုင်းကို ဦးတည်ပြီးသွားနေပါတယ။် မမလည်း သူ့နောက် က ယို့ယို့လေး နဲ့ လိုက်သွားခဲ့မိပါတယ်။ ၀ိုင်းဆီအရောက်..
နှောင်း… ” ကိုပြည့်စုံ အဲဒီမိန်းမ ကို လှမ်းခေါ်လိုက်တဲ့အသံ
နှောင်း…ဒါ မောင့် ကို စာမသိရင် လာလာမေးပြီး မောင်နဲ့ စာအတူတူ လုပ်ဖြစ်နေတဲ့ လွန်းမမ တဲ့ …
မမ ကြောင်အမ်းနေတယ်။
မမ.… ဒါက ကိုယ့်နဲ့ စေ့စပ်ထားတဲ့ ကိုယ့်ရဲ့ချစ်သူ ခင်နှောင်းတဲ့
မမ သူတို့ နှစ်ယောက်ရှေ့မှာ ဟန်ဆောင်နေပေမယ့် မမ ရင်ထဲမှာ ကြေကွယ်ခံစား ရပါတယ်။ မခင်နှောင်း ကံကောင်းလိုက်တာနော်။ မမ အိမ်ပြန်ရောက်ပြီးတဲ့နောက် မှာ ကိုယ့်ကိုယ်ကိုယ် ပြန်သုံးသပ်မိတယ်။ မမဘ၀က လိုတာမရ ရတာမလိုပါလားနော်။ မမ တစ်ယောက်တည်းဘဲ နေတော့မယ် လို့ ဆုံးဖြတ်ပြီး part-time အလုပ်ကို StarBuck ဆိုင် တစ်ဆိုင် မှာဝင်လုပ်ခဲ့တယ်။ ကိုယ့် အာရုံနဲ့ ကိုယ်မို့ ဘယ်သူ့ကို မှ သိပ်သတိမထားမိပါ။ တစ်ညနေတော့ အလုပ်ပြီးလို့ uniform လဲပြီး ပြန်အထွက်။။

အချစ် ၄။

“မမလွန်း… ဟောဟဲ ဟောဟဲ မမလွန်း”
ဒီလိုမျိုး ခေါ်တာ ရန်ကုန်မှာဘဲ ရှိတာပါ။ ဘယ်သူ ကများ ခေါ်တာပါလိမ့် မမလွန်းလို့။ မမ ပြန်အလှည့် ….ဟော… တွေ့ပါပြီ။။ မမ သူငယ်ချင်းလေးရဲ့ မောင်လေး။။ မမထက် နှစ်နှစ်လောက် ငယ်မယ်ထင်ပ။
ခေါ်လိုက်ရတာ မမလွန်းရာ….မောလိုက်တာ…ဟော ဟဲ”
“ မင်း က ခင်သန္တာ ရဲ့ မောင် .. ကြက်ရိုး မလား..”
“ ဟုတ်ပါတယ် ။ ဒါပေမယ့် ခုတော့ ကြက်ရိုး မဟုတ်တော့ဘူး မမလွန်း”
“ ဒါဖြင့်ဘာတုန်း… chicken bone လား ဟ ဟ”
“ မနောက်နဲ့ဗျာ မမလွန်းကလဲ။ ကျနော် ကလေးမဟုတ်တော့ဘူးဗျ။”
“ ဘာလဲ ကလေး အဖေလား ဟီး ..ဟီး…
ဒီလို မရီရတာ ကြာပြီဖြစ်တဲ့ မမတစ်ယောက် သူငယ်ချင်းလေးရဲ့မောင်လေးကို စပြီး တစ်ဟားဟား ကိုအော်ရီနေပါတော့တယ်။ သူကလည်း StarBuck မှာလုပ်တာဘဲ တဲ့။ ငါဖြင့် ဘာလို့သတိမထားမိပါလိမ့်။ ဒီလိုနဲ့ ပျော်ပျော်နေတတ်တဲ့ ကြက်ရိုး နဲ့ မမ ခင်မင်သွားခဲ့တယ်။ ဘာလိုလိုနဲ့ ဒီကို ရောက်တာ မမ ၄ နှစ်ရှိလို့ မမအသက်လည်း ၂၈ ကျော်လာခဲ့ပြီ။ အပျို ကြီး စာရင်းဝင်ဖြစ်မှန်းမသိ ဖြစ်လာခဲ့ရပြီ။ ကြက်ရိုးက ဟာသတွေ ပြောတတ်တော့ မမ သူ့ကို တကယ် ခင်တွယ်မိတယ်။ တစ်ခါတစ်ခါ သူက အွန်လိုင်းက သူ ကြောင်နေတဲ့ သူ့ကောင်မလေး အကြောင်းတွေ ပြောပြ၊ ပြီးတော့ ဘယ်လိုချစ်သွားကြတာတွေ ကို စီကာပတ်ကုံး ပြန်ပြောပြတတ်သေးတာ။ ဒီ မှာတောင် သူ့ အခုလက်ရှိ က ၃ ယောက်လောက် ရှိတာ။ မနိုင်ဘူး။ ဒီကြက်ရိုးတစ်ယောက်ကတော့ ။ တစ်ခါက ကောင်မလေးကို ဘာလုပ်သွားလုပ်လို့လည်းမသိ ဘူး။ ကောင်မလေးအကို တွေက မမ အိမ်လိုက်လာပါလေရော။ မြန်မာချင်းမို့လို့ တော်သေးတာပေါ့။ သူ့အမ ပါ ဘာပါညာပါ ဆို ပြီး မနည်းရှင်းယူလိုက်ရတယ်။ တော်တော်ဆိုးတဲ့ ကောင်လေး။ ဒင်းကို သူ့အမနဲ့ တွေ့မှ တိုင်ရမယ်။ ဟွန်း။ တစ်ရက်တော့ ခင်သန္တာ နဲ့ chat နေရင်း က သူက ရုတ်တရက်။…
ဟဲ့…မမ နင့် ကို ငါယောင်းမ တော်မလို့” တဲ့လေ။ သူ့မောင်က မမကို ကြိတ်ချစ်နေတာ တဲ့။
အမလေး။ မယုံပါဘူး။ဒင်းကလေးက ဒီလောက်မြာပွေတာ။ ဟိုမိန်းမ ကတော့ သူ့မောင်က မမကို တကယ်ချစ်နေတာပါတဲ့။ ခုဆို တစ်အိမ်သားလုံးတောင်သိတယ်ဆိုဘဲ။ ဒင်းတော့နော် လာပစေ့ဦး။ လာတော့မှ …ဟွင်းဟွင်း
နောက်တစ်ရက် မနက် ...
လာပါပြီ ကိုယ်တော်ချော။။။။

ဟဲ့ ကြက်ရိုး နင် နင့်အိမ်မှာ ဘာတွေမဟုတ်က ဟုတ်က လျှောက်ပြောထားသလဲ ပြောစမ်း”
“ဟာဂျာ…မမလွန်းကလည်း ကျနော်က ဘာပြောရမှာလည်းဂျ။
နောက်တီးနောက်တောက်လုပ်မနေ့နဲ့ ကောင်စုတ်လေး
ပြောလည်းပြော လက်ကလည်းမြန် ဒေါင် ခနဲမြည်အောင်တောင် ခေါင်းကို ခေါက်လိုက်သေးတယ်။
နင့်အမ က ငါ့ကို ယောင်းမလေးဘာလေးနဲ့ နင်လျှောက်ပြောထားလို့ နေမှာပေါ့ဟဲ့။
အင်းလေ…ဒါကျနော်ဘက် ကပြောတာဘဲ။ မမလွန်း ဘက် ကပြောတာမှ မဟုတ်တာ… ကျနော်ဘက်က ဖိတ်စာ တစ်ခြမ်းရိုက်ပြီးသား ဟီးဟီး ” လို့ ပြောပြီး မမရဲ့ လက်ကို မလွှတ်စတမ်း ကိုင်ထားပါတော့တယ်။

ကဲ…အပျိုကြီး လွန်းမမ …ဒီတစ်ခါတော့ ရှင် အင် မနေနဲ့ တစ်ခါတည်းသာ အဖြေပေးလိုက်တော့ ။ နှလုံးသားတွေ ဦးဏှောက်တွေလုပ်မနေနဲ့။ မဟုတ်ရင် အပျိုကြီးကနေ အပျိုဟိုင်း ဟိုင်းရာက နေ သိုး၊ သိုး ရာကနေ ဂေါ်မစွံတဲ့ အပျိုကြီးဖြစ်တော့မယ်။ မူမနေနဲ့။ ရရာသာ ယူထားပေတော့။

လို့ မမစိတ်ထဲမှာ ရှိတဲ့ မမတစ်ယောက် ကပြော တော့ မမလည်း ရှက်ကိုးရှက်ကန်းနဲ့ ကြက်ရိုး ရင်ဘတ်ထဲမျက်နှာလေး ၀ှက်ထားပါတော့တယ်။

ကိုယ်တော့ ကြက်ရိုးကတော့ တစ်ခွီးခွီးနဲ့ ပေါ့။ (ကြည်နူးနေတာ ပြောပါတယ်)

နောက်နှစ်နှစ်အကြာမှာတော့… မောင်ထင်လင်းအောင် (ခ) ကြက်ရိုး နဲ့ မလွန်းမမ တို့ရဲ့ မင်္ဂလာဧည့်ခံပွဲ ကြီးကို ခမ်းခမ်းနားနားကြီး ကျင်းပနေတာကို မြင်တွေ့ရပါတော့သည်။


4 comments:

ဝက်ဝံလေး said...

ဘလူ့အဖြစ်အပျက်လဲ ဒေါ်မှန်လေး မှန်မှန်လိမ်နော်

ဖတ်နေတာ ဇာတ်ထဲမျောသွားတယ် ပြိးသွားတော့မှ
“အော် .. ပြီးသွားပြီဟ” ဆိုပြီးဖြစ်သွားတာ

ဆက်ဦးလေ သားသားလေးတွေ မီးမီးလေးတွေ ရတဲ့အထိ ဟိ

ahphyulay said...

အင်း..
ဖတ်ရတာ မြူး ပါတယ်ဗျာ..။
ကြက်ရိုးလေးနဲ့  အဆုံးသတ်တာ ကြည်နူးစရာပါ။
အားပေးပါတယ်..။

မြစ်ကျိုးအင်း said...

ကြက်ရိုးနဲ့မှ သဘောကျသွားတယ်ပေါ့
အချစ်ဆိုတာ ဆန်းကျယ်တယ်ဆိုတဲ့ အတိုင်းပဲပေါ့လေ။

PhotoVigor said...

Reading your post.
Love the reviews on "Myanmar food stall" at Peninsula plaza.
Cheers..