ဖေဖေ့ဆိုပြခဲ့သော ညအိပ်ရာဝင် တေးတစ်ပုဒ်

ဒီနေ့ စနေနေ့။ စနေ တနင်္ဂနွေ မအားတဲ့ ရက်သတ္တပတ်များလာတော့ ဒီတစ်ရက်လေးနားရတာ ကိုယ့်အတွက်တော်တော်လေး ထူးဆန်းဖြစ်နေပါတယ်။ လက်တွဲဖော်က လည်း အချိန်ပို အလုပ်ဆင်းနေတော့ ကိုယ်တစ်ယောက်တည်း အခန်းထဲမှာ ယောင်ချာချာနဲ့ ပေါ့။ ရုံး အလုပ်ရှိတာကလည်း ပျင်းပျင်းရှိလို့မလုပ်ချင်ပြန်ဘူး။ မနက် ကတော့ မနက်စာ စားဖြစ်ကြတယ်။ ခုတလောက Singapore National Day နီးလာပြီဆိုတော့ သူတို့ရဲ့နိုင်ငံတော်သီချင်း ကို နေရာအနှံဖွင့်ပြီးတော့ National Day Parade အတွက် ကလေးတွေ ကောလူကြီးတွေပါ လေ့ကျင့်နေကြတယ်။ အဲဒါကို ကိုယ့်မေမေက ကြားပြီးတော့ အဲဒီသီချင်းက လာရှိုးသိန်းအောင် ငယ်ငယ်က သီချင်းတစ်ပုဒ်နဲ့ သံစဉ်ဆင်တယ် တဲ့။ အိမ်ရောက်တော့ ကိုယ်လည်း လာရှိုးသိန်အောင် သီချင်း တွေကို YouTube ကနေ နားထောင်ခဲ့တယ်။ အဲဒီမှာ သီချင်းတစ်ပုဒ်ကိုသွားသတိထားမိတယ်။ “လွမ်းဘွယ်” တဲ့ ။ ဖေဖေ က ကိုယ်တို့ငယ်ငယ်လေးတုန်းက ကာတွန်းတွေငှားပြီး အသံထွက်ဖတ်ပြတတ်တယ်။ အဲခါကျ ကိုယ်တို့မောင်နှမတွေက ဖေဖေ့နားကို ခေါင်းလေးတွေတိုးကပ်ပြီး အလုအယက် နားထောင်နေကျ။ ဖေဖေ က ကားတွန်းဇာတ်လမ်းတွေကို အသံနေအသံထား တွေနဲ့ဖတ်ပြတတ်တော့ အရမ်းနားထောင် လို့ ကောင်းတာဘဲ။ ခုထိလည်း ဘုရားစာတွေ ဘာတွေ ဖတ်ရင် အဲလို အသံနေအသံထားနဲ့ဘဲ ဖတ်တတ်တာ။ ညဘက်ဆိုရင်လည်း ဖေဖေ က သီချင်းဆိုပြီးသိပ်တတ်တယ်လေ။ လွမ်းဘွယ် သီချင်းလေးက ဖေဖေဆိုနေကျ သီချင်းလေးတွေထဲက တစ်ပုဒ်ပေါ့။ ငယ်ငယ် ကလေးတည်းက လားရှိုး သိန်းအောင် သီချင်းတွေနဲ့ ရင်းနိးခဲ့ တော့ ခုလည်း အဲဒီသီချုင်းလေးကို နားထောင်ရင်း ငယ်ဘ၀ ကို သတိရမိလို့ အမှတ်တရ ပြန်တင်ပေးလိုက်ပါတယ်။