အိမ်ထောင်ရေး နဲ့ ပညာရေး

ကိုယ် ဒီပို့စ်ကို ရေးချင်နေတာ ကြာပါပြီ။ ဒါပေမယ့် အချိန်မရှိတဲ့ အတွက် ရေးဖို့ နှောင့်နှေး သွားရတာပါ။

ကိုယ် ဒီပို့စ်မရေးခင်မှာ ကိုယ့်အကြောင်းလေးနည်းနည်း ပြောပါရစေ။ ကိုယ်က ဒီစင်ကာပူနိုင်ငံကို ၂၀၀၆ ခုနှစ် မှာ ရောက်ပါတယ်။ ၂၀၀၆ ခုနှစ် သြဂုတ်လမှာ ကိုယ် ဒီနိုင်ငံက ဘွဲ့လွန် ဒီပလိုမာတစ်ခု တက်ပါတယ်။ ၂၀၀၇ ခုနှစ် မှာ အလယ်အလတ် အဆင့်နဲ့ အောင်ခဲ့ပါတယ်။ ပြီးတော့ ကိုယ် ၂၀၀၈ ခုနှစ် စက်တင်ဘာလမှာ ကိုယ့်လက်တွဲဖော်နဲ့ ဘ၀တိုက်ပွဲ မှန်သမျှကို ရင်ဆိုင်ဖို့ နှစ်ဖက်မိဘတွေရဲ့ သဘောတူညီချက်နဲ့ အညီ နှစ်ဖက်သော အစ်မများကို အသိသက်သေနေရာမှာ ထားပြီး လက်မှတ်ထိုးခဲ့ကြပါတယ်။ ကိုယ်တို့နှစ်ယောက် တူတူစပြီးနေခဲ့တာကတော့ ၂၀၀၉ မတ်လမှပါ။ အဲဒီ ထဲက ကိုယ့်ရဲ့ အားလပ်ချိန် တစ်ဝက်နီးပါးလောက်ဟာ သူ့ထံကိုပေးအပ်လိုက်ပါတယ်။ သူ့ဘက်ကို ကြည့်ရင်လည်း အဲဒီအတိုင်းပါဘဲ။ ဒါကတော့ အိမ်ထောင်ရှင်တိုင်းလိုလို သိပါတယ်။

ဒီနိုင်ငံရဲ့ ထုံးစံအတိုင်း နှစ်ယောက်စလုံး အလုပ်လုပ်မှသာ အိမ်စားရိတ် ကာမိတာ ရှိတာမို့ ကိုယ်တို့နှစ်ယောက် စလုံး အလုပ်လုပ်ကြရပါတယ်။ အဲလိုအလုပ်လုပ်ရတဲ့ အတွက် ကိုယ်တို့နှစ်ယောက်အတွက် စကားပြောချိန် ဟာ ညပိုင်းမှာသာ အဖြစ်များတတ်ပါတယ်။ စနေ တနင်္ဂနွေ ဆိုတာက တစ်ခါတစ်ရံ ကိုယ့်လက်တွဲဖော်က အချိန်ပို အလုပ်ဆင်းရတဲ့အတွက် ကိုယ်တို့တွေ အသေအချာ မပိုင်ပါဘူး။ အိမ်ထောင်ရှင် လင်မယားတွေအတွက် အလွန်အလွန့်ကိုမှ အချိန်နည်းလွန်းလှပါတယ်။ ရည်းစားဘ၀မှာပေးရတဲ့ အချိန် နဲ့ လင်မယားဘ၀မှာ ပေးရတဲ့ အချိန်ဟာ တကယ့်ကို ကွာလွန်းပါတယ်။ ချစ်သူရည်းစားဘ၀ မှာတော့ ချစ်စကားတီတီတာတာ တွေပြောရင်းပြော၊ မပြောရင် shopping လေးဘာလေးထွက်နဲ့ ဒီလောက်ဘဲပေးရတာပေါ့။ လင်မယားဘ၀မှာတော့ နှစ်ယောက်ပေါင်းမှ တစ်ဘ၀ဆိုတဲ့အတွက် ဘ၀ရေးရာ၊ နှစ်ဖက်ပတ်ဝန်းကျင်ကိစ္စ၊ အိမ်ထောင့်ကိစ္စ တွေနဲ့ အချိန်တွေတော်တော်ပေးရတာပါ။ ဒါတွေဟာ အိမ်ထောင်မကျခင် လူတွေကို သွားပြောရင်တော့ ရီစရာတွေပေါ့။ အလကားလို့ထင်ကြပါလိမ့်မယ်။ ဒါတွေဟာ အမှန်တရားတွေပါ။

ကိုယ်က ကိုယ့်မမကြီးနဲ့ အတူတူနေပါတယ်။ ကိုယ့်မမကြီးက အပျိုကြီးဖြစ်တဲ့အတွက် ကိုယ့်မိဘတွေကလည်း အသက်ကြီးပြီဖြစ်တာကြောင့် ဒီမှာဘဲ ခေါ်ထားပြီး ဘုရားတရားကို အေးအေးဆေးဆေး လုပ်နိုင်အောင် လိုလေသေးမရှိ ထားထားပါတယ်။ ကိုယ်ရဲ့အချိန်တွေကို မိဘနဲ့ လက်တွဲဖော်ကြားမှာ မနည်း မျှတအောင် ညှိယူထားပါတယ်။ အဲဒီအတွက်လည်း ဘာဆို ဘာမှ ပြသနာ မရှိခဲ့တာ အမှန်ပါ။ နှစ်ဖက်မိဘ များက ယုံကြည်နှစ်လိုစွာ လက်ဆက်ပေးထားတဲ့ ကိုယ်တို့ နှစ်ယောက်ရဲ့ အိမ်ထောင်ရေးမှာ တစ်ခါတစ်လေ ကတောက်ကဆ ဖြစ်တတ်တာကလွဲလို့ အရာရာပြီးပြည့်စုံ တဲ့ အိမ်ထောင်ရေးတစ်ခု ဖြစ်ခဲ့ပါတယ်။

တစ်ရက်လုံးမှာ အနည်းငယ်လောက်သာရှိတဲ့ ကိုယ့်ရဲ့ကိုယ်ပိုင်အချိန် တွေကို ဘလော့ခ်ရေးရင်းနဲ့ ပျော်ရွှင်စွာကုန်လွန်စေခဲ့ပါတယ်။

အချိန်တွေကို မပိုင်ဆိုင်တဲ့ ကိုယ်က နှစ်နှစ်ခွဲ တက်ရမယ့် သင်တန်းတစ်ခုကို တက်ရောက်ဖို့ ၀င်ခွင့်ရခဲ့ပါတယ်။ အဲဒီသင်တန်းဟာ လွယ်လွယ်လေးနဲ့ Certificate တစ်ခုရမယ့် သင်တန်း တစ်ခုမဟုတ်မှန်း သိရက်နဲ့ လောဘကြီးစွာ မစဉ်းစားမဆင်ခြင်ဘဲနဲ့ ကိုယ်တက်ရောက်ခဲ့ပါတယ်။ အဲဒီအချိန်ထဲက ကိုယ်ရဲ့ အရေးကြီးတဲ့ အချိန်တွေကို အဲဒီထဲမှာနစ်မြုပ်ခဲ့ရပါတယ်။ ဒါပေမယ့် အိမ်ထောင်သည် မိန်းမတစ်ယောက်ဖြစ်တဲ့ ကိုယ့်အတွက် အဲဒီအတွက်ပေးရတဲ့ အချိန်ဟာထင်သလောက်မလွယ်လှပါဘူး။

မောကြီးပန်းကြီးပြန်လာတဲ့ ခင်ပွန်းသည်စားဖို့သောက်ဖို့ ပြင်ဆင်ပေးရတယ်။ ပြီးတော့ အလုပ်ထဲမှာ ဖြစ်ပျက်လာသမျှကို သူ့စိတ်ပေါ့ပါးသွားအောင် နားထောင်ပေးရပါတယ်။ ကိုယ့်ရင်ထဲက ဖြစ်ပျက်သမျှကိုလည်း သူ့ကိုပြန်ရင်ဖွင့်ရင်းနဲ့ ဘ၀ရှေ့ရေး၊ အိမ်ထောင်ရေး ၊ စီးပွားရေးတွေ တိုင်ပင်ရင်းနဲ့ အချိန်တွေဟာကုန်မှန်းမသိကုန်ခဲ့ ရပါတယ်။ ဘယ်မှာ လည်း ကိုယ့်အတွက် စာကြည့်ချိန်၊ စာဖတ်ချိန် ။ ဒီလို မရှိတဲ့ အချိန်တွေကြားထဲက ကိုယ်ရအောင် ကြိုးစားခဲ့ပါတယ်။ ဒါပေမယ့် ထင်သလောက် မလွယ်လှပါဘူး။ ကိုယ်တစ်ခါမှ မဖြစ်ဖူးတဲ့ result တွေက ကိုယ့်ကို ဒီသင်တန်းကို ဆက်မတက်ဖို့ တွန်းအားပေးနေခဲ့ကြပါတယ်။ အိမ်ထောင်ရှင် မိန်းမတစ်ယောက်အနေနဲ့ ပညာရေးကို ဆက်ကိုမလုပ်သင့်တာအမှန်ပါ။ ဒါကိုနားမလည်တဲ့ သူတစ်ချို့ကတော့ ကိုယ့်ကိုမေးပါတယ်။

“အဲလိုသာ ပြောကြေးဆို ဒီနိုင်ငံမှာ ပညာ သင်ကြားနေတဲ့ အိမ်ထောင်ရှင် အိန္ဒိယ အမျိုးသမီးတွေ ဘာလို့ ဘွဲ့ရတာလဲတဲ့။ ပြီးတော့ သူတို့မှာ ကလေးတွေလည်း ရှိတယ်တဲ့။ အလုပ်လည်း လုပ်နေပါတယ် တဲ့။”

ကိုယ် အဲလိုလူတွေကို ပြန်ပြောချင်တဲ့ စကားတစ်ခွန်းကို ဒီက ဘဲ ပြောလိုက်ပါရစေ။ ကိုယ်အပိုတွေ ပြောတယ်လို့တော့မထင်စေချင်ပါဘူး။ ကိုယ့်ရင်ဘတ်ထဲက ရှိသမျှကို ပြန်အံ ထုတ်ချင်ရုံသက်သက်ပါ။

“ကိုယ်က သာမာန်ဦးဏှောက်တစ်ခု ကိုသာ ပိုင်ဆိုင်ထားတဲ့ သာမာန်မိန်းမတစ်ယောက်ပါ။ အရမ်းကြီးထူးချွန်ထက်မြက်နေတဲ့ သူတစ်ယောက်လည်းမဟုတ်ပါဘူး။ လူတိုင်းလိုလို ပိုင်ဆိုင်ထားတဲ့ ဥာဏ်ပညာတစ်ခုကိုတော့ ပိုင်ဆိုင်ထားပါတယ်။ အချိန်တစ်ခုယူပြီး ကြိုးစားမှ အလယ်အလတ် လောက်သာရတဲ့ ကိုယ့်အတွက် အချိန်မပေးဘဲနဲ့တော့ အဲဒီဘွဲ့ကြီးကို မရနိုင်ပါဘူး။ အဲဒါကို မှ မယုံရင် ကိုယ်ကိုယ်တိုင် အိမ်ထောင်ပြုကြည့်ကြပါ။”

လို့ဘဲ ကိုယ်ပြန်ပြောလိုက်ချင်ပါတယ်။ ဟုတ်ပါတယ် သူတို့ထင်နေတာက အတူတူဘဲလို့ထင်နေတတ်ကြလွန်းလို့ပါ။ မတူဘူးဆိုတာကို ကိုယ်ကိုယ်တိုင် အိမ်ထောင်ပြုကြည့်မှဘဲ ခံစားတတ်မှာပါ။ ကိုယ်လည်း တစ်ချိန်က အဲလိုဘဲ ထင်ခဲ့တာပါဘဲ။ တကယ် ကိုယ်အိမ်ထောင်ကျတဲ့ အခါမှသာ အိမ်ထောင်ရှင်များဟာ ပညာရေးအတွက် အချိန်ကို ထင်သလောက် မနစ်မြုပ်နိုင်တာကို ကိုယ်ကိုယ်တိုင်သိမြင်လာပါတယ်။

အချိန်ဆိုတဲ့ အရာဟာ အပျို ၊ လူပျိုတွေအတွက် မရှားပေမယ့် အိမ်ထောင်ရှင်တွေ အတွက် အရမ်း ကိုရှားပါးပါတယ်။ ခုကိုယ်ဆုံးဖြတ်လိုက်တာကတော့ ကိုယ့်ကိုယ်ကိုယ်ပြန်မေးဖို့ပါ။ ဒီသင်တန်းကို ဆက်တက်သင့်မသင့်ပါဘဲ။ အဲဒီအတွက် ကိုယ်ဒီသင်တန်းကို တစ်နှစ်နားထားလိုက်ပါတယ်။ ကိုယ်ဒီ ဘွဲ့ကြီးကို risk ယူပြီး ယူသင့်မယူသင့်ဆိုတာ ရယ် ပြီးတော့ ဒီဘွဲ့မရှိရင် ကိုယ့်ဘ၀အတွက်ဘာဖြစ်မှာလည်း။ရှိတော့ရော ဘာတွေ ဖြစ်မှာလည်း ဆိုတာကို ပေါ့။ အချိန်ယူပြီးစဉ်းစားတာဟာ ဘယ်အလုပ်မှ မမှားပါဘူး လို့ ကိုယ့်ရဲ့ မမကြီးက အကြံပေးပါတယ်။ အဲဒီအတွက်ကိုယ် အချိန်ယူပါဦးမယ်။ ကိုယ်ပြောချင်တာတဲ့ နောက်ဆုံး စကားကတော့

“အလုပ်တစ်ခု မလုပ်ခင် အလောတကြီးမဆုံးဖြတ်ပါနဲ့ ။ အချိန်ယူပြီး ကိုယ်လုပ်နိုင်လားမလုပ် နိုင်လား စဉ်းစားပါ။ ပြီးတော့ အိမ်ထောင်ရှင်မိန်းမများအနေနဲ့ ပညာရေးကို ဆက်ပြီးလုပ်မှာလား၊ ဘ၀အတွက် ပညာရေးထက် အရေးပါတဲ့ ကိစ္စတွေ ကိုလုပ်မှာလား ဆိုတာ သေချာစဉ်းစားပြီးလုပ်ပါ”

လို့ အကြံပြုရင်းနဲ့ ဒီပို့စ်လေးကို အဆုံးသတ်ပါတယ်။

ဒါက ကိုယ့်ရဲ့ အမြင်ပါ။ စာဖတ်သူတို့ အမြင်လေးတွေကိုလည်း ပြောပြပေးကြပါဦးနော်။ံ